Rossiya

Holva degan bilan... rossiyalik mansabdor Erdoʻgʻonga javob qaytardi

Turkiya prezidentining "Qrim anneksiyasi" haqidagi gaplariga rossiyalik mansabdorlar javob qaytardi.
TOSHKENT, 22 sen — Sputnik. “Holva” degan bilan ogʻiz chuchimas deb javob berdiya Rossiya Federatsiya Kengashi aʼzosi Sergey Tsekov Turkiya prezidenti Toyiib Erdoʻgʻonning Qrim haqida aytgan soʻzlariga.
Eslatib oʻtamiz, BMT Bosh Assambleyasida soʻzga chiqqan Turkiya prezidenti Ukraina hududiy yagonaligini saqlab qolish, jumladan “anneksiya qilingan Qrimni” ham va u yerda yashayotgan qrim tatarlarining huquqlarini himoya qilishd kerak degan edi.
Bunga javoban rossiyalik mansabdor yuqorida keltirilgan sharqona maqolni keltirdi va Erdoʻgʻon “Qrimni anneksiyasi” va uni tan olmasligigini necha marta aytmasin – hech narsa oʻzgarmaydi, dedi.
“Erdoʻgʻon vaziyatga sogʻlom nazar bilan qarab, Qrim tarixini esga olsa, uning har doim Rossiya bilan bogʻliq boʻlganini, Rossiyaga pravoslav dini kirib kelishi oʻsha yerdan boshlanganini, hozir ham u yerda juda koʻp ruslar yashayotganini va u yerda Qora dengiz harbiy flotining asosiy bazasi joylashganini tushunsa yaxshi boʻladi. Qrim Rossiya tarkibida abadiy qoladi”, - dedi Tsekov.
Undan tashqari, ushbu yarim orol Ukraina tarkibida boʻlgan vaqtlarda Turkiya qrim tatarlari haqida unchalik qaygʻurmasdi. Oʻsha vaqtlar ularning muammolari hizirgidan ancha koʻp edi.
“Qrim tatarlarining muammolari yarim orol Rossiyaga qoʻshilganidan soʻng tez va har tomonlama hal boʻla boshladi. Erdoʻgʻon boʻlsa, oʻzining bunday bayonotlari bilan tatarlar orasida qarama-qarshilik keltirib chiqarmoqda va Qrim barqarorligiga xavf solmoqda. Mana shu narsa bizlarni xavotirlantirmoqda”, - dedi Tsekov.
Rossiya prezidentining matbuot kotibi Dmitriy Peskov Rossiya Erdoʻgʻonning ushbu bayonotiga mutlaq qoʻshilmasligini va ushbu soʻzlar Turkiya prezidentining Rossiyaga tashrifi arafasida aytilganidan afsusda ekanini maʼlum qildi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala