Xorijdan o‘qishini ko‘chirmoqchi bo‘lganlarning 72% minimal ballni ham to‘play olmadi – DTM

© SputnikSdacha vstupitelnix ekzamenov na stadione "Bunyodkor"
Sdacha vstupitelnix ekzamenov na stadione Bunyodkor - Sputnik O‘zbekiston, 1920, 22.09.2021
Obuna bo‘lish
DTM bir yildan so‘ng O‘zbekistondagi OTMga kirgizib qo‘yishni va’da qilayotgan firmalarga ishonmaslikni va test sinovlariga puxta tayyorgarlik ko‘rishni tavsiya qiladi.
TOShKENT, 22 sen – Sputnik. Davlat test markazi farzandini o‘qishini xorijdan O‘zbekistonga ko‘chirmoqchi bo‘lgan ota-onalarga murojaat bilan chiqdi.
“Aslida, yoshlarning nufuzli xorijiy OTMlarda ta’lim olib, yetuk mutaxassis bo‘lish orzusi juda yaxshi, lekin maqsad qanday qilib bo‘lsa ham 1-yildan so‘ng o‘qishni O‘zbekistonga ko‘chirib olish bo‘ladigan bo‘lsa, bu - yaxshi holat emas, albatta”, - deb yozadi DTM.
O‘zbekistonda so‘ngi 2-yilda farzandini xorijiy OTMga o‘qishga kirgizib bir yildan so‘ng O‘zbekistonga ko‘chirish holatini tez-tez uchratish mumkin. 2020-yilda bunday ko‘chirishni imtihonsiz amalga oshirish mumkin bo‘lgan bo‘lsa, 2021-yilda bu tartib o‘zgardi.
Xususan, prezidentining 22-iyundagi qaroriga asosan - barcha talabalar imtihon topshirishi va OTM tomonidan belgilangan minimal o‘tish balini to‘plashi shart.
Ana shunday imthonlar 2021-yilda ilk bor, Davlat test markazi tomonidan o‘tkazildi va ularning natijalari taajubli bo‘ldi. Testda ishtirok etgan 85 261 nafar abituriyentlardan 72% minimal talabni ham bajara olishmadi.
Hozir ko‘plab konsalting firmalar 1-yildan so‘ng O‘zbekistonga ko‘chirib berish va’da qilinmoqda, lekin hech qaysi firma O‘zbekistondagi OTMga kiritib qo‘yish kafolatini bera olmaydi.
Shuning uchun DTM bunday va’dalariga ishonmaslikni va o‘z bilimiga ishongan holda test sinovlariga puxta tayyorgarlik ko‘rishni tavsiya qiladi.
Yangiliklar lentasi
0