Jamiyat

Xalqaro islom akademiyasi va Bulgʻor islom akademiyasi orasida hamkorlik yoʻlga qoʻyiladi

© Komitet po delam ReligiyVizit delegatsii Mejdunarodnoy islamskoy akademii v Tatarstan
Vizit delegatsii Mejdunarodnoy islamskoy akademii v Tatarstan  - Sputnik Oʻzbekiston, 1920, 24.09.2021
Oʻzbekiston va Tatariston islom akademiyalari orasida ilmiy-maʼrifiy sohada hamkorlik yoʻlga qoʻyiladi.
TOSHKENT, 24 sen - Sputnik. Oʻzbekiston Xalqaro islom akademiyasi delegatsiyasi Tataristonga tashrif buyurdi, deb xabar qilmoqda Vazirlar Mahkamasi huzuridagi Din ishlari boʻyicha qoʻmita matbuot xizmati.
Islom akademiyasi rektori M.Komilov boshchiligidagi delegatsiya 23 sentyabr kuni, Tataristondagi Bulgʻor islom akademiyasi rektori vazifasini bajaruvchi Aynur Timerxonov bilan uchrashdi.
Uchrashuv davomida Komilov Oʻzbekistonda diniy-maʼrifiy sohada amalga oshirilayotgan islohotlar haqida hikoya qilib berdi. Xususan, Xalqaro islom akademiyasining tashkil etilishi, uning maqsad va vazifalari, bugungi kundagi faoliyati haqida batafsil maʼlumot berdi. Shuningdek, Akademiya huzurida tashkil etilgan Imom Moturidiy xalqaro ilmiy-tadqiqot markazi haqida ham batafsil soʻzlab berildi.
Mezbonlar tomonidan Oʻzbekistonda islom ilmlarini chuqur oʻrganish maqsadida amalga oshirilayotgan ishlar yuqori baholandi va Bulgʻor islom akademiyasi oʻzaro hamkorlik aloqalarini yanada rivojlantirishdan manfaatdor ekanligini bildirdi.
Muzokaralar yakunida ikkala tomon ham ilmiy-maʼrifiy sohalarda ham hamkorlikni yoʻlga qoʻyishga qiziqish bildirishdi. Xususan Oʻzbekiston va Tatariston taʼlim maskanlari orasida talabalar almashinuvini yoʻlga qoʻyish, doktorlik va magistrlik dissertatsiyalari yoqlashda hamkorlik qilish borasida amaliy kelishuvlarga erishildi.
© Komitet po delam ReligiyVizit delegatsii Mejdunarodnoy islamskoy akademii v Tatarstan
Vizit delegatsii Mejdunarodnoy islamskoy akademii v Tatarstan  - Sputnik Oʻzbekiston, 1920, 24.09.2021
Vizit delegatsii Mejdunarodnoy islamskoy akademii v Tatarstan
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala