Madaniyat

Men oʻzbek filmida rol ijro etishga tayyorman - Mithun Chakraborti bilan intervyu

© "Oʻzbekkino"Mitxun Chakraborti v Uzbekistane
Mitxun Chakraborti v Uzbekistane - Sputnik Oʻzbekiston, 1920, 28.09.2021
Toshkent xalqaro kinofestivaliga tashrif buyurgan Bollivud yulduzi jurnalistlar bilan oʻz fikrlari bilan oʻrtoqlashdi.
TOSHKENT, 28 sen – Sputnik. Hindistonlik mashhur aktyor Mithun Chakraborti Oʻzbekistondagi oʻzgrishlarda hayratda ekanini va oʻzbek filmida rol ijro etishga tayyorligini bildirdi. Oʻzbekiston Kinematografiya agentligi xabariga asosan.

Oʻzbekistonga toʻrtinchi marta tashrif buyurishim. Avvalgi Oʻzbekiston va hozirgi Oʻzbekiston oʻrtasida katta farq bor. Mamlakatingiz yanada chiroy ochgan, ulkan oʻzgarishlar roʻy bergan. Hindiston va Oʻzbekiston mustahkam doʻstona aloqalarga ega, biz bir nechta filmlarni birgalikda ishlab chiqarish boʻyicha hamkorlik qilib kelmoqdamiz. Men oʻzbek filmida rol ijro etishga tayyorman!, - dedi mashhur aktyor.

— Sizni Oʻzbekistonda koʻrganimizdan xursandmiz, oldin ham bu yerda boʻlgansiz. Endilikda qanday oʻzgarishlarni sezdingiz? Nimalar sizni hayratlantirdi?
— Birinchi marta Toshkentga hamkorlikda film ishlaganimizda kelgandim, bir oy davomida bu yerda boʻlgandik. Bugun Toshkentga kelib, hayratimni berkita olmadim. Aeroportni oʻzidayoq ulkan oʻzgarishlarni koʻrib, xuddiki oʻzimni Yevropani qaysidir shahriga kelib qolganimni his qildim.
© Oʻzbekiston Kinematografiya agentligiMitxun Chakraborti i Firdavs Abduxalikov
Mitxun Chakraborti i Firdavs Abduxalikov - Sputnik Oʻzbekiston, 1920, 28.09.2021
Mitxun Chakraborti i Firdavs Abduxalikov
Oʻzbekiston va Hindiston oʻrtasida azaldan yaqin doʻstona aloqalar boʻlgan va bugun ham bu aloqalar nafaqat kino va seriallarda, balki barcha sohalarda ham davom etib kelyapti. Aytishim mumkinki, Toshkentga kelib, Oʻzbekiston yangi taraqqiyot bosqichiga chiqib, yanada rivojlanib chiroy ochganiga guvoh boʻldim.
— Yangi Oʻzbekistonni uch soʻz bilan tasvirlab bera olasizmi?
— Hayratlanarli, chiroyli, mehmondoʻst.
— Oʻzbek filmlarini Markaziy Osiyodagi roli haqida nima deya olasiz?
— Texnik tomondan yangi bosqichga koʻtarilish zarur. Oʻzbek kinoindustriyasi xorijiy hamkorlikni yanada kuchaytirishi kerak. Men oʻzbek filmlarini dunyoga chiqishini xohlayman.
— Oʻzbekistondagi sevimli shahringiz?
— Oʻzbekistonning koʻp joylarida boʻldim, ammo Toshkent men uchun hammasidan ham sevimli.
© "Oʻzbekkino"Mitxun Chakraborti v Uzbekistane
Mitxun Chakraborti v Uzbekistane - Sputnik Oʻzbekiston, 1920, 28.09.2021
Mitxun Chakraborti v Uzbekistane
— Sizningcha, Toshkent xalqaro kinofestivali orqali Yangi Oʻzbekistonning dunyoga qanday imkoniyatlari namoyon boʻladi?
— Ayni vaqtda Toshkent xalqaro kinofestivalining Oʻzbekistonda oʻtkazilishi juda ham muhim voqea deb ayta olaman. Koʻplab yulduzlar dunyoning turli nuqtalaridan tashrif buyuradi. Bu kabi tadbirlar davlat obroʻsini yuksaltiradi. Bu yerda boʻlgan har bir yulduz oʻz xotiralari, taassurotlari bilan oʻrtoqlashadi. Yulduzlarning fikri, albatta, koʻp odamlarni eʼtiborsiz qoldirmaydi.
— Hayotda siz uchun nima muhim? Nimani yoʻqotishdan qoʻrqasiz?
— Men kino aktyorman, shu bilan birga toʻrt farzandning otasiman. Oila boshiman. Men doimo sevimli inson boʻlishni, kerak boʻlishni xohlayman va shu mehrni doimo berishga harakat qilaman.
Oilam men uchun eng muhimi, uni yoʻqotishdan qoʻrqaman. Kino hayotimning bir qismi. Uchrashuvlarda seni olomon oʻrab oladi, dastxat soʻraydi, yaxshi koʻrishlarini aytadi. Bu ham Yaratgan inʼom etgan baxt. Ammo oilam sevgisi men uchun eng qadrli.
© "Oʻzbekkino"Mitxun Chakraborti v Uzbekistane
Mitxun Chakraborti v Uzbekistane - Sputnik Oʻzbekiston, 1920, 28.09.2021
Mitxun Chakraborti v Uzbekistane
Eslatib oʻtamiz, Toshkent xalqaro kinofestivali 24 yillik tanaffusdan soʻng qayta tiklandi. 28-sentyabr - 3 oktyabr kunlari "Ipak yoʻli durdonasi" nomi bilan boʻlib oʻtadigan xalqaro kino festivaliga dunyoning 450 dan ortiq kinmatografistlar, Lyuk Besson, Nikita Mixalkov, Timur Bikmambetov, Nuri Bilge kabi dunyo tan olgan rejissyorlar kelishi, dunyoning 14 mamlkatidan 150dan ortiq filmlar namoyish etilishi kutilmoqda.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala