Qashqadaryoda jinoyatchilik 70 foizga ortdi, o‘quvchilar o‘quv yilini kitobsiz boshladi

Uchebniki - Sputnik O‘zbekiston, 1920, 29.09.2021
Obuna bo‘lish
Hududda 2021-yil 1-sentabr holatiga ko‘ra, 3 ming 108 ta jinoyat sodir etilgan. Bu o‘tgan yilning shu davriga nisbatan 70 foizga ko‘p.
TOShKENT, 29 sen – Sputnik. Senatning o‘n to‘qqizinchi yalpi majlisida Qashqadaryo viloyati hokimining hisoboti tanqidiy muhokama qilindi.
Qayd etilishicha, viloyatdagi umumta’lim maktablari uchun respublika “Transport va logistika xizmati” DUK tomonidan 46 foiz darsliklar yetkazib berilgan, xolos.
Ushbu darsliklar jamlanmasining 24 foizi to‘liq bo‘lmaganligi bois omborxonada saqlanmoqda, buning natijasida o‘quvchilar o‘quv yilini kitobsiz boshlagan.
2021 yilgi Investitsiya dasturi doirasida viloyatdagi 93 ta umumta’lim maktabini jihozlash belgilangan bo‘lib, shundan 36 tasiga mebel va jihozlar qisman yetkazib berilgan, qolgan 57 tasiga esa umuman yetkazib berilmagan.
Podgotovka shkoli k novomu uchebnomu godu - Sputnik O‘zbekiston, 1920, 21.09.2021
Qashqadaryoda o‘quvchilarni polga o‘tqazib dars o‘tgan o‘qituvchilar jazolandi
10 sentabrga qadar yakunlanishi belgilangan Qarshi tumanidagi 26-sonli maktabgacha ta’lim tashkilotida rekonstruksiya ishlari 29 foizga bajarilgan. 10-oktabrgacha foydalanishga topshirilishi belgilangan Qarshi tumani “Botosh” dahasidagi 4 qavatli yangi maktabning hatto birinchi qavatini qurish ishlari hanuzgacha yakunlanmagan.
Senat xabariga ko‘ra, hududda 2021-yil 1-sentabr holatiga ko‘ra, 3 ming 108 ta jinoyat sodir etilgan. Ushbu ko‘rsatkich o‘tgan yilning shu davriga nisbatan 70 foizga ortgan. Sodir etilgan jinoyatlardan 1 ming 828 tasining (shundan 963 tasi mahallada sodir etilgan) yoki 58,8 foizining oldini olish mumkin bo‘lgan jinoyatlar tashkil etgan.
Yangiliklar lentasi
0