Siyosat

Senat bugun oʻn toʻqqizinchi yalpi majlisni chaqiradi - tafsilotlar

© TSIK UzbekistanaSenat Oliy Majlisa - zal zasedaniy
Senat Oliy Majlisa - zal zasedaniy - Sputnik Oʻzbekiston, 1920, 29.09.2021
Majlis videokonferentsaloqa tarzida oʻtkaziladi
TOSHKENT, 29 sen - Sputnik. Oʻzbekiston Oliy Majlisi Senati bugun oʻn toʻqqizinchi yalpi majlisni chaqiradi. Bu haqda Senat axborot xizmati xabar bermoqda.
Videokonferentsaloqa tarzida oʻtkaziladigan yalpi majlisda "Toʻlovga qobiliyatsizlik toʻgʻrisida"gi, "‘Davlat bojxona xizmati toʻgʻrisida"gi Oʻzbekiston Respublikasi qonuniga qoʻshimcha va oʻzgartishlar kiritish haqida"gi, "Oʻzbekiston Respublikasida korruptsiyaga qarshi kurashish tizimi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida"gi qonunlar muhokama qilinishi koʻzda tutilgan.
Zasedaniye Senata Oliy Majlisa - Sputnik Oʻzbekiston, 1920, 19.08.2021
Siyosat
Chegara, yangi 10 ming soʻmlik va sport: Senat 18-yalpi majlisida qanday masalalar koʻtariladi
Shuningdek, "Farzandlikka olish tartibining huquqiy asoslari takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida"gi qonunlar ham muhokama qilinadi.
"Oʻzbekiston Respublikasining Maʼmuriy javobgarlik toʻgʻrisidagi kodeksiga qoʻshimcha va oʻzgartishlar kiritish haqida"gi, "Oʻzbekiston Respublikasining Jinoyat kodeksiga hamda Oʻzbekiston Respublikasining Maʼmuriy javobgarlik toʻgʻrisidagi kodeksiga oʻzgartishlar kiritish haqida"gi, "Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida"gi qonunlar koʻrib chiqilishi rejalashtirilgan.
Bundan tashqari, Vazirlar Mahkamasining Oʻzbekiston Respublikasi Davlat byudjetining 2021 yil birinchi yarim yillik yakunlari boʻyicha ijrosi hamda Qashqadaryo viloyati hokimining hududlarni rivojlantirish haqidagi hisobotlari, Ipakchilik va jun sanoatini rivojlantirish qoʻmitasi raisining faoliyati toʻgʻrisidagi axborot eshitilishi nazarda tutilgan.
Shuningdek, taʼlim muassasalari bitiruvchilarini ish bilan taʼminlashdagi dolzarb muammolar yuzasidan hukumatga yuborilgan parlament soʻrovi natijalari, Senatning Sud-huquq masalalari va korruptsiyaga qarshi kurashish qoʻmitasining 2020 yildagi va 2021 yilning oʻtgan davridagi faoliyati toʻgʻrisidagi hisoboti hamda boshqa masalalar koʻrib chiqilishi rejalashtirilgan.
Yangiliklar lentasi
0
Avval yangilariAvval eskilari
loader