Vengriyaning OTP Bank banki “Ipoteka-bank”ning 75 foizini xarid qiladi

© Pixabay / Sergei Tokmakov Terms.Law Finansoviy grafik
Finansoviy grafik - Sputnik O‘zbekiston, 1920, 29.09.2021
Obuna bo‘lish
“Ipoteka-bank“ davlat ulushining 75 foizini sotish to‘g‘risidagi bitim imzolanadi.
TOShKENT, 29 sen – Sputnik. Vengriyaning OTP Bank banki O‘zbekistonning “Ipoteka-bank” davlat ulushining 75 foizini xarid qiladi. Bu haqda bosh vazir o‘rinbosari, iqtisodiy taraqqiyot va kambag‘allikni qisqartirish vaziri Jamshid Qo‘chqorov ma’lum qildi, deb xabar qilmoqda Sputnik muxbiri.
Toshkentda “Uzbekistan Economic Forum 2021” bo‘lib o‘tmoqda. Jahon banki va Osiyo taraqqiyot banki ko‘magida O‘zbekiston hukumati, xalqaro tashkilotlar va biznesning 300 ga yaqin vakillari ishtirok etmoqda.
“Vengriyaning OTP Bank banki O‘zbekistonga keldi. Bugun biz “Ipoteka-bank“ davlat ulushining 75 foizini sotish to‘g‘risidagi bitimni imzolaymiz.Ikki oy ichida kelishuvni yakunlaymiz”, — dedi Qo‘chqorov forum davomida.
Bosh vazir o‘rinbosari “Ipoteka-bank”ni xususiylashtirish Xalqaro moliya korporatsiyasi (IFC , Jahon banki tuzilmasiga kiradi) bilan O‘zbekiston bank sohasiga potensial investorlarni jalb qilishga oid kelishuv doirasida amalga oshirilayotganini ta’kidladi.
Znak protsenta - Sputnik O‘zbekiston, 1920, 13.05.2020
O‘zbekistonda oltita bank xususiylashtiriladi - prezident farmoni
Qo‘chqorovning so‘zlariga ko‘ra, boshqa banklar ham xuddi shu shaklda xususiylashtiriladi: “transformatsiya — sotuvga tayyorlash — xususiylashtirish”.
“Bizga 10 ta davlat banki kerak emas. Shuning uchun biz "O‘zsanoatqurilishbank"ni xususiylashtirishda "Ipoteka-bank"ni xususiylashtirish tajribasidan foydalanishni rejalashtirmoqdamiz”, - dedi u.
Eslatib o‘tamiz, avvalroq "Ipoteka-bank", "O‘zsanoatqurilishbank", "Asaka" banki, "Aloqabank", "Qishloq qurilish bank" va "Turonbank" dagi davlat ulushlari bosqichma-bosqich xususiylashtirilishi xabar qilingan edi.
Yangiliklar lentasi
0