Kabul, Afganistan - Sputnik Oʻzbekiston, 1920
Afgʻonistonda vaziyat keskinlashuvi
AQSH qoʻshinlarini Afgʻonistondan olib chiqib ketishini eʼlon qilgach, toliblar mamlakatning deyarli barcha hududlari oʻz xatti-harakatlarini faollashtirdi. Ular kundan-kunga yangi tumanlarni oʻz nazoratiga ostiga oldi. Vaziyat Afgʻonistonning Oʻzbekiston va Tojikiston bilan chegaradosh hududlarida keskinlashdi.

Afgʻonistonning sobiq prezidenti Gʻani BAAga Oʻzbekiston orqali qochgan – OAV

© REUTERS / Afghan Presidential PalacePrezident Afganistana Ashraf Gani
Prezident Afganistana Ashraf Gani - Sputnik Oʻzbekiston, 1920, 03.10.2021
Ashraf Gʻanining BAAga qochish tafsilotlari ochiqlandi. OAV xabariga koʻra, siyosatchi Termiz aeroportida 31 soat qolib ketgan.
TOSHKENT, 3 okt — Sputnik. Afgʻonistonning sobiq prezidenti Ashraf Gʻani avgust oyida mamlakatdan BAAga Oʻzbekiston hududi orqali qochgan. Siyosatchi avvaliga xizmat vertolyotidan, soʻngra FlyJet Qozogʻiston aviakompaniyasining samolyotidan foydalangan. Bu haqda afgʻon gazetasi “Hasht e Subh Daily” sobiq rahbar atrofidagi manbasiga tayangan holda xabar berdi.
Nashr suhbatdoshining soʻzlariga koʻra, 15 avgust kuni, “Tolibon”* vakillari Kobulga jangsiz kirishidan biroz avval Gʻani, uning yordamchilari va qoʻriqchilari Kobulni bir necha vertolyotlarda tark etishgan. Vertolyotlar favqulodda holatlarda prezident va uning atrofidagilar uchun moʻljallangani aytilmoqda.
“Toʻrtta samolyotlarda Oʻzbekistondagi Termiz shahrida qoʻnganlar 54 kishi orasida 22 nafar uchuvchi, Harbiy-havo kuchlarilarining ikkinchi uchuvchilari va texniklari boʻlgan, yana 22 kishi prezidentning soqchilari boʻlishgan. Ularning hech birining pasporti yoʻq edi”, - deya hikoya qilgan manba.
Termiz aerodromida Gʻani oʻz odamlari, jumladan, oʻzining milliy xavfsizlik boʻyicha maslahatchisi Hamdulla Muhib, prezident maʼmuriyati rahbari Fazl Mahmud Fazliy hamda turmush oʻrtogʻi Rula Gʻani bilan jami 31 soat boʻlgan. Bu vaqt ichida ular 200 nafardan ziyod oʻzbek harbiylari nazorati ostida boʻlishgan.
Prezident Afganistana Ashraf Gani  - Sputnik Oʻzbekiston, 1920, 16.08.2021
Afgʻonistonda vaziyat keskinlashuvi
Ashraf Gʻani Oʻzbekistonda ham, Tojikistonda ham, Qozogʻistonda ham emasligi aytildi
Manbaning soʻzlariga koʻra, 16 avgust kuni tushlik vaqtida Termiz aeroportida 60 oʻringa ega boʻlgan kichik bir oq samolyot kelib qoʻngan. Avvaliga Gʻani va uning yaqinlari bu samolyotga oʻtirishgan. Keyin qolganlar birin-ketin unga minishgan.
“Hech kim churq etmasdi, biz qayerga uchayotganimizni bilmasdik. Bir necha daqiqadan soʻng samolyot parvoz qildi va bizga Birlashgan Arab Amirliklariga uchishimizni eʼlon qilishdi”, - deya qoʻshimcha qilgan u.

Samolyot va BAAga kelish haqida

Nashrning Flightradar samolyotlar harakatini kuzatuvchi xizmat maʼlumotlariga tayangan holda aniqlik kiritishicha, Qozogʻistonning FlyJet aviakompaniyasining FJK-1255 reysini amalga oshirayotgan samolyoti 16 avgust kuni mahalliy vaqt bilan soat 23:00 da afgʻon yetakchisi va uning 53 nafar hamrohlari bilan Termizdan Abu-Dabiga uchgan.
Manba Abu-Dabiga yetib kelgandan soʻng Ashraf Gʻani va boshqa amaldorlarni koʻrmaganini bildirgan.
“Seshanba (17 avgust) kuni ertalab oldimizga BAAning ayrim amaldorlari kelib, qayerga ketmoqchi ekanligimizni soʻrashdi. Ular aytishdiki, bizning bu mamlakatda yashash imkoniyatimiz yoʻq. Bir necha kishining, jumladan, uchuvchilar, ikkinchi uchuvchilar va vertolyotlarga xizmat koʻrsatgan texnik xodimlarning harbiy biletidan tashqari hech qanday hujjatlari yoʻq edi. ularni afgʻon fuqarolari uchun amerika qoʻshinlari tomonidan Abu-Dabida tashkil etgan lagerlardan biriga koʻchirishga toʻgʻri keldi. Qolganlar oʻz yoʻdidan ketdi”, - deya xulosa qilgan “Hasht e Subh Daily” manbasi.

Afgʻonistondagi vaziyat

15 avgust kuni “Tolibon”* jangarilari Kobulga jangsiz kirishdi va bir necha soat ichida Afgʻoniston poytaxti ustidan toʻliq nazorat oʻrnatishdi. Biroz muddat oʻtib Ashraf Gʻani qon toʻkilishining oldini olish maqsadida mamlakatni tark etganini Facebookʼdagi sahifasi orqali maʼlum qildi, biroq qayerga yoʻl olganini aniqlik kiritmadi.
18 avgust kuni BAA Tashqi ishlar va xalqaro hamkorlik ishlari vazirligi davlat insonparvarlik nuqtai nazaridan Afgʻonistondan qochgan prezident va uning oila aʼzolariga boshpana berganini haqida xabar berdi.
V poiskax Gani - Sputnik Oʻzbekiston, 1920, 17.08.2021
Infografika
Ashraf Gʻani qayerda?
6 sentyabr kuni toliblar Afgʻonistonning butun hududini oʻz nazoratlari ostiga olishganini bildirishdi. 7 sentyabr kuni esa yangi muvaqqat afgʻon hukumatining tarkibini eʼlon qilishdi.
* Rossiya va qator mamlakatlarda taqiqlangan terrorchilik tashkiloti
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala