Mehnat sohasidagi murojaat va nizolarni qilish hal etishda ko‘maklashuvchi markaz tashkil etildi

Obuna bo‘lish
2021 yil 1-noyabrdan Mehnat instituti tomonidan mehnat migratsiyasida talab yuqori bo‘lgan kasblar to‘g‘risidagi yagona ma’lumotlar bazasi shakllantiriladi va yuritiladi.
TOShKENT, 3 okt — Sputnik. “Kasbiy malaka va bilimlarni rivojlantirish tizimini yanada takomillashtirish bo‘yicha qo‘shimcha chora-tadbirlar to‘g‘risida”gi Hukumat qarori qabul qilindi.
Qaror bilan quyidagilar tasdiqlandi:
- Bandlik va mehnat munosabatlari vazirligi huzuridagi Mehnat bozori tadqiqotlari instituti tuzilmasi hamda Institut to‘g‘risidagi nizom;
- Kasbiy malaka va bilimlarni rivojlantirish bo‘yicha tarmoq kengashlari to‘g‘risidagi namunaviy nizom;
- Malakalarni baholash markazi to‘g‘risidagi namunaviy nizom.
Mehnat institutining faoliyati Bandlikka ko‘maklashish davlat jamg‘armasi va qonunchilik hujjatlari bilan taqiqlanmagan boshqa manbalar hisobidan moliyalashtiriladi.
Qarorga ko‘ra, Toshkent shahar Bandlik bosh boshqarmasidagi Davlat mehnat inspeksiyasi tizimida tajriba-sinov tariqasida yuridik shaxs maqomiga ega bo‘lmagan Mehnat sohasidagi murojaat va nizolarni o‘rganish hamda hal qilishga ko‘maklashish markazi tashkil etildi.
Qarorga ko‘ra, 2021-yil 31-dekabrgacha quyidagilar ishlab chiqiladi:
zamonaviy bozor iqtisodiyoti talablariga javob beradigan O‘zbekistonda mehnatni meyorlash konsepsiyasi;
Kasbiy malaka va bilimlarni rivojlantirish tizimini strategik boshqarish mexanizmini shakllantirishga doir amaliy chora-tadbirlar.
2021 yil 1-noyabrdan Mehnat instituti tomonidan, jumladan, malakali kadrlarga bo‘lgan ehtiyojni baholovchi tizim hamda kasbiy standartlarni va mustaqil baholashning ma’lumotlar bazasi, mehnat migratsiyasida talab yuqori bo‘lgan kasblar to‘g‘risidagi yagona ma’lumotlar bazasi shakllantiriladi va yuritiladi.
Konferensiya Valdayskogo kluba Rossiya i Uzbekistan pered vizovami razvitiya i bezopasnosti na novom istoricheskom etape vzaimodeystviya v Tashkente - Sputnik O‘zbekiston, 1920, 21.09.2021
O‘zaro hamkorlik, tanlash imkoniyati, mehnat migrantlari: “Valday” ekspertlari muhokamalari
Yangiliklar lentasi
0