Kabul, Afganistan - Sputnik Oʻzbekiston, 1920
Afgʻonistonda vaziyat keskinlashuvi
AQSH qoʻshinlarini Afgʻonistondan olib chiqib ketishini eʼlon qilgach, toliblar mamlakatning deyarli barcha hududlari oʻz xatti-harakatlarini faollashtirdi. Ular kundan-kunga yangi tumanlarni oʻz nazoratiga ostiga oldi. Vaziyat Afgʻonistonning Oʻzbekiston va Tojikiston bilan chegaradosh hududlarida keskinlashdi.

Markaziy Osiyo Qobulni elektr taʼminotisiz qoldirishi mumkinmi?

LEP - Sputnik Oʻzbekiston, 1920, 04.10.2021
Afgʻoniston Energetika kompaniyasi Tolibon* elektr pulini toʻlamasa Markaziy osiyolik yetkazib beruvchilari elektr taʼminotini toʻxtatishi mumkinligidan xavotirda.
TOSHKENT, 4 okt — Sputnik. Qobulga elektr energiyasi uzilishi bilan bogʻliq gumanitar fojiya tahdid qilmoqda, deb xabar qildi Afgʻoniston davlat energetika korporatsiyasi (DABS) sobiq raisi Daud Nurzay, ANI axborot agentligiga.
Uning soʻzlariga koʻra, hozirda Qobulda elektr energiyasi bilan bogʻliq muammolar yoʻq, biroq kish kelishi bilan vaziyat keskin yomonlashishi mumkin.
"Tolibon* elektr energiyasi uchun xaq toʻlanmaganligi sababli, Markaziy Osiyodagi yetkazib beruvchilar resurslarni yetkazib berishni toʻxtatib qoʻyishlari mumkin" - deya taʼkidladi Nurzay.
Oʻzbekiston tomoni aytishiga koʻra, hozircha Afgʻonistonga elektr taʼminoti uzilgani yoʻq, ushbu masala boʻyicha yaqin vaqt ichida muzokaralar boʻlib oʻtishi kutilmoqda.

"Elektr energiyasi uzilgani yoʻq. Yaqin orada Oʻzbekiston delegatsiyasi borib ushbu va boshqa masalalar boʻyicha muzokaralar oʻtkazib kelishi kutilmoqda. Shundan soʻng vaziyat aniq boʻladi", - deyilgan xabarda.

Maʼlumki, 2021 yilda Markaziy Osiyo hududi, jumladan Afgʻoniston ham qurgʻoqchilikdan aziyat chekdi va bu uning gidroenergetik resurslari kamiyishiga olib keldi. Afgʻonistonda oʻz elektr stantsiyalari mavjud boʻlmagani sababli, foydalanilayotgan elektr energiyasi asosan Tojikiston, Oʻzbekiston va Turkmanistondan yetkazib beriladi.
* - Rossiya va Tojikistonda taqiqlangan terroristik tashkilot.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala