Siyosat

Prezident Uendi Sherman bilan strategik sheriklikni yanada rivojlantirishni muhokama qildi

© Press-slujba prezidenta UzbekistanaPrezident Uzbekistana Shavkat Mirziyoyev prinyal delegatsiyu SSHA vo glave s pervыm zamestitelem gosudarstvennogo sekretarya Uendi Sherman.
Prezident Uzbekistana Shavkat Mirziyoyev prinyal delegatsiyu SSHA vo glave s pervыm zamestitelem gosudarstvennogo sekretarya Uendi Sherman. - Sputnik Oʻzbekiston, 1920, 04.10.2021
Shavkat Mirziyoyev AQSH davlat kotibining birinchi oʻrinbosari bilan Afgʻonistonda vujudga kelayotgan vaziyat yuzasidan batafsil fikr almashdi.
TOSHKENT, 4 okt – Sputnik. Prezident Shavkat Mirziyoyev AQSH davlat kotibining birinchi oʻrinbosari Uendi Sherman boshchiligidagi delegatsiyani qabul qildi.
Davlat rahbari matbuot xizmati xabariga koʻra, uchrashuvda Oʻzbekiston-AQSH strategik sherikligini yanada rivojlantirishning dolzarb masalalari koʻrib chiqildi.
Ikki mamlakat oʻrtasidagi Strategik sheriklik muloqotining joriy yil oxirigacha Vashington shahrida boʻlib oʻtadigan birinchi yigʻilishining kun tartibini puxta tayyorlash muhim ekani taʼkidlandi.
Siyosat va xavfsizlik, savdo, investitsiya va innovatsiyalar, qishloq xoʻjaligi, energetika, taʼlim, sogʻliqni saqlash, gumanitar almashinuvlar kabi ustuvor yoʻnalishlarda amaliy hamkorlikni kengaytirishdan manfaatdorlik bildirildi.
Pandemiyaga qarshi kurashishda, shu jumladan amaldagi global dastur doirasida Oʻzbekistonga vaktsinalar yetkazib berish masalasida koʻrsatilayotgan koʻmak uchun Amerika tomoniga alohida minnatdorlik bildirildi.
Mintaqaviy, shu jumladan “AQSH – Markaziy Osiyo” muloqoti hamda Savdo va investitsiyalar boʻyicha hadli bitim kengashi doirasidagi hamkorlik masalalariga alohida eʼtibor qaratildi.
Shuningdek, Afgʻonistonda vujudga kelayotgan vaziyat yuzasidan batafsil fikr almashildi. Oʻzbekistonning afgʻon xalqiga koʻmaklashish hamda qoʻshni mamlakatda uzoq muddatli tinchlik oʻrnatilishi va uning iqtisodiy tiklanishiga xizmat qiladigan loyihalarni ilgari surish borasidagi saʼy-harakatlari yuksak baholandi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala