Jamiyat

Sherali Joʻrayevning ikki qoʻshigʻini ruxsatsiz kuylagan San Jay yana jarimaga tortildi

© Instagram / sanjaymusicofficialPevets San Jay
Pevets San Jay - Sputnik Oʻzbekiston, 1920, 04.10.2021
Xonanda San Jayga nisbatan Oʻzbekiston xalq artisti Sherali Joʻrayevning “Gulbadan” hamda “Atirgulim atringni soch” qoʻshiqlaridan noqonuniy foydalangani uchun chora koʻrildi.
TOSHKENT, 4 okt – Sputnik. Sud mualliflik huquqlarini buzgan San Jay taxallusi bilan ijod qilayotgan xonanda Djavberdiyev Sanjarni maʼmuriy javobgarlikka tortdi. Bu haqda Intellektual mulk agentligi matbuot xizmati xabar bermoqda.
Qayd etilishicha, agentlikka xonanda San Jay Oʻzbekiston xalq artisti Sherali Joʻrayev qalamiga mansub “Gulbadan” hamda “Atirgulim atringni soch” nomli sheʼriy asarlardan huquq egasining ruxsatisiz, noqonuniy tarzda foydalanganligi sabab chora koʻrish haqida shikoyat kelib tushgan.
Agentlik tomonidan olib borilgan oʻrganishlar natijasida murojaatda keltirilgan holatlar oʻz tasdigʻini topgan.
Agentlik xonanda San Jayga nisbatan maʼmuriy huquqbuzarlik toʻgʻrisidagi bayonnoma tuzgan va uni koʻrib chiqish uchun tegishli sudga yuborgan.
Mazkur maʼmuriy ish materiallari 20 sentyabr kuni Jinoyat ishlari boʻyicha Navoiy shahar sudi tomonidan koʻrib chiqilib, fuqaro S.Djavberdiyevga nisbatan Maʼmuriy javobgarlik toʻgʻrisidagi kodeksining 177(1)-moddasi birinchi qismi bilan jarima jazosi (BHMning bir baravaridan besh baravarigacha — 1 mln 350 minggacha) qoʻllanilgan.
Agentlik yangi qonunga muvofiq muallifga mualliflik huquqi va turdosh huquqlari buzilgan taqdirda, bunday huquqbuzarlikni sodir etgan shaxslardan zarar qoplanishi oʻrniga BHMning 20 baravaridan 1000 baravarigacha tovon toʻlashini talab qilish huquqi berilganini eslatgan.
Avvalroq Sherali Joʻrayevning “Karvon” nomli qoʻshigʻini va sheʼrini asar yaxlitligini buzgan holda mualliflarning roziligisiz ijro etgan xonanda San Jay jarimaga tortilgan edi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala