Siyosat

Avtomobil yigʻish, savdo uylari: Mirziyoyev va Berdimuhamedov muzokaralari tafsilotlari

© Press-slujba prezidenta UzbekistanaPeregovorы prezidenta Uzbekistana Shavkata Mirziyoyeva i prezidenta Turkmenistana Gurbangulы Berdыmuxamedova v rasshirennom formate
Peregovorы prezidenta Uzbekistana Shavkata Mirziyoyeva i prezidenta Turkmenistana Gurbangulы Berdыmuxamedova v rasshirennom formate - Sputnik Oʻzbekiston, 1920, 05.10.2021
Oʻzbekiston va Turkmaniston prezidentlari kengaytirilgan tarkibda muzokaralar oʻtkazishdi.
TOSHKENT, 5 okt – Sputnik. Oʻzbekiston prezidenti Shavkat Mirziyoyev va Turkmaniston prezidenti Gurbanguli Berdimuhamedovning muzokaralari ikki mamlakat rasmiy delegatsiyalari ishtirokidagi kengaytirilgan tarkibda davom etdi.
Oʻzbekiston rahbari matbuot xizmati xabariga koʻra, uchrashuvda birgalikdagi saʼy-harakatlar tufayli birodar mamlakatlar oʻrtasidagi munosabatlar sifat jihatidan yangi, strategik sheriklik darajasiga koʻtarilgani alohida taʼkidlandi.
Davlat rahbarlari tovar ayirboshlash hajmini yanada koʻpaytirish uchun mavjud barcha resurs va imkoniyatlarni ishga solishga kelishib oldilar.
Uzbeksko-turkmenskiy forum v Tashkente - Sputnik Oʻzbekiston, 1920, 04.10.2021
Oʻzbekiston va Turkmaniston oʻrtasidagi tovar ayirboshlash hajmi uch baravarga oshdi
Savdo uylarini tashkil etish va uchinchi mamlakatlar bozorlariga chiqishni nazarda tutgan holda oʻzaro yetkazib berilayotgan mahsulotlarning nomenklaturasini kengaytirish va diversifikatsiya qilish – bu boradagi yoʻnalishlardan biridir.
Turli tarmoqlarda sanoat kooperatsiyasini rivojlantirish, shu jumladan avtomobillar yigʻish, kimyoviy mahsulotlar, elektr texnikasi va maishiy texnika, qurilish materiallarini ishlab chiqarish, paxta tolasi va meva-sabzavot mahsulotlarini chuqur qayta ishlash, logistika infratuzilmasini yaratish ham ikki tomonlama hamkorlikning istiqbolli yoʻnalishlari sifatida belgilab olindi.
Mirziyoyev tegishli “yoʻl xaritasi”ni tayyorlashni taklif qildi.
Tomonlar transport sohasida va tranzit yoʻlaklarini rivojlantirish boʻyicha hamkorlikni faollashtirishga kelishib oldilar. Ashxobod bitimini birgalikda ilgari surish hamda Turkmanboshi dengiz portining noyob imkoniyatlaridan foydalanishni kengaytirish muhim ekani taʼkidlandi.
Hamkorlikning yangi mexanizmi – Hududlararo forum oʻtkazishni yoʻlga qoʻyish yuzasidan kelishuvga erishildi.
Ikki mamlakat yetakchilari xalqaro maydonda, shu jumladan BMT, MDH, YEXHT, Iqtisodiy hamkorlik tashkiloti, Islom hamkorlik tashkiloti, Turkiy tilli davlatlar hamkorligi tashkiloti va boshqa xalqaro tuzilmalar doirasida yaqin muloqotni davom ettirish va tashabbuslarni birgalikda ilgari surishga kelishib oldilar.
“Bugungi uchrashuv natijalari strategik sherikligimizni yangi, yanada salmoqli amaliy mazmun bilan boyitishga xizmat qiladi, ishonch, oʻzaro anglashuvni mustahkamlashga imkon beradi”, - dedi Shavkat Mirziyoyev.
Muzokaralar yakunida Mirziyoyev va Berdimuhamedov Ikki tomonlama hamkorlik boʻyicha hukumatlararo komissiya hamraislariga erishilgan kelishuvlarni amalga oshirishning aniq mexanizmlarini oʻz ichiga olgan “yoʻl xaritasi”ni tayyorlashga topshiriq berdilar.
Shuningdek, muzokaralar davomida prezidentlar Afgʻonistonda tinchlik va barqarorlik butun Markaziy Osiyo mintaqasida barqaror taraqqiyot garovi ekanini taʼkidlashdi.
Mirziyoyev afgʻon xalqiga zarur insonparvarlik yordamini koʻrsatishni davom ettirishga, ushbu mamlakatda muhim ijtimoiy-iqtisodiy va infratuzilmaviy loyihalarni amalga oshirishda turkmanistonlik sheriklar bilan faol hamkorlik qilishga tayyorligini bildirdi.
Flagi Uzbekistana va Turkmenistana - Sputnik Oʻzbekiston, 1920, 05.10.2021
Analitika
Toshkent va Ashxobod: iqtisodiy rejalar va imzolanishi kutilayotgan shartnomalar
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala