Dunyoda

Japarov Qirgʻizistondagi oktyabr voqealariga nima sabab boʻlganini aytdi

© Sputnik / Fotobankka oʻtishPrezident Kirgizii Sadыr Japarov
Prezident Kirgizii Sadыr Japarov  - Sputnik Oʻzbekiston, 1920, 05.10.2021
Sadir Japarovning fikricha, 2020 yilning oktyabr oyida respublikada hokimiyat almashishiga oldingi parlament-prezident boshqaruv shakli sabab boʻlgan.
TOSHKENT, 5 okt – Sputnik. Qirgʻiziston prezidenti Sadir Japarov 2020 yilning oktyabr oyida respublikada roʻy bergan qoʻzgʻolonlarga nima sabab boʻlganini aytdi.

“Bunday voqealarga 2010 yilgi Qirgʻiziston Respublikasi Konstitutsiyasi tahriridagi boshqaruvning davlat manfaatlariga javob bermaydigan parlament-prezidentlik shakliga oʻtishidagi oʻzgarishlar sabab boʻldi, desam adashmayman. Konstitutsiya 2010 yil proportsional saylov tizimini joriy etdi va afsuski, saylovlar yopiq roʻyxatda oʻtkazila boshlandi. Bu tizim siyosiy korruptsiya uchun qulay muhit yaratdi. Siyosiy partiyalar rahbari roʻyxatdagi oʻrinlarni sotdi, natijada ovozlarni sotib olish jarayoni yanada kuchaydi”, - dedi Japarov oktyabr voqealari munosabati bilan xalqqa yoʻllagan murojaatida.

Japarov bunday ijtimoiy-siyosiy uygʻunlikni “poraxoʻrlik siyosati” deb atagan va bu hukumat tuzish huquqiga ega boʻlgan parlamentga ham tarqalganini taʼkidlagan. Shu sababli ijro etuvchi hokimiyat “mustaqil harakat qila olmadi”.
“Qirgʻizistonda 2020 yilgi saylovlar jiddiy qonunbuzarliklar bilan kechdi va bu jarayonning adolatsizligi saylovchilarning noroziligiga olib keldi. Oqibatda ovoz berish natijalarini bekor qilish talab qilindi, ammo bu oʻz vaqtida bajarilmadi. Bundan gʻazablangan aholining keng qatlami amaldagi hukumatni agʻdarishga majbur boʻldi”, — deb hisoblaydi Qirgʻizistonning amaldagi yetakchisi.
 - Sputnik Oʻzbekiston, 1920, 17.09.2021
Siyosat
Japarov Markaziy Osiyoda xavfsizlik belbogʻini yaratishni taklif qildi
Bishkekdagi tartibsizliklar 2020 yil 5 oktyabrda parlament saylovlari natijasi eʼlon qilinganidan keyin boshlangan edi. Mitingga toʻplangan bir qator siyosiy kuchlarning tarafdorlari ovoz berishdan oldin ayrim partiyalar saylovchilarni pul evaziga oʻziga ogʻdirib olishgani aytishgan. Keyinroq saylov natijasi bekor qilindi va namoyishchilar bosimi ostida prezident Sooronbay Jeenbekov, bosh vazir Kubatbek Boronov va spiker Dastanbek Jumabekov isteʼfoga chiqishga majbur boʻlishdi.
Bu voqealardan soʻng mamlakatdagi hukumat tepasiga amalga prezident Sadir Japarov keldi. Uning tashabbusi bilan mamlakat Konstitutsiyaga oʻzgartirishlar kiritish boʻyicha referendum boʻlib oʻtdi. Referendumda ovoz beruvchilarning 79,3 foizi prezidentning vakolatlarini kengaytiruvchi konstitutsiyaning yangi tahririni qoʻllab-quvvatlashdi. Endilikda prezident koʻplab vakolatlarga ega boʻlgan va parlament va hukumatning imkoniyatlarini sezilarli cheklab qoʻygan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala