Jamiyat

Oʻzbekistonda benzin qimmatlashdimi? Deputat Kusherbayev narxlarni oʻrganib chiqdi

© SputnikAvtozapravochnaya stantsiya v Tashkente
Avtozapravochnaya stantsiya v Tashkente - Sputnik Oʻzbekiston, 1920, 05.10.2021
Deputat Rasul Kusherbayev benzin narxlarni oʻrganib chiqdi.
TOSHKENT, 5 okt — Sputnik. Oʻzbekistonda AI 91 benzinining minimal narxi 8 100 soʻmga yetdi.
Bu haqda OʻzLiDeP deputati Rasul Kusherbayev oʻz telegram kanalida post yozdi.
Benzin - Sputnik Oʻzbekiston, 1920, 05.10.2021
Iqtisod
Oʻzbekiston benzin importini 3,2 baravarga oshirdi
“Bu ketishda hammmamiz (xalq hisobidan xizmat avtomobilida yuradiganlardan tashqari) avtomobilga hayot uchun xavfi yuqori boʻlgan gaz ballonlarini oʻrnatishga majbur boʻlamiz yoki shundoq ham oldindan pulini toʻlab, oylab navbat kutib zoʻrgʻa yetgan avtomobilimizdan voz kechamiz. Chunki bunday narxli yoqilgʻini koʻpchilikni choʻntagi koʻtarmaydi.
Kamiga yoqilgʻi narxining oshishi boshqa isteʼmol tovarlari va xizmat koʻrsatish sohasida ham narxlar koʻtarilishiga olib kelishi mumkin”, - deb yozgan deputat.
Biroq, biroz vaqt oʻtgach, yuqorida yozilgan post deputat kanalidan oʻchirib tashlandi va oʻrniga Kusherbayev shaxsan Toshkentdagi yoqilgʻi quyish shoxobchalarida benzin narxlarini oʻrganishi aks etgan video paydo boʻldi.
"Bugun kech boʻlishiga qaramay benzin quyish shahobchalarida benzin narxi va sifati bilan qiziqdik.
"Oʻzbekneftgaz" tizimidagi shahobchalarda benzinlar sifati boʻyicha laboratoriya tekshiruvida AI 80 markasi 85, AI 92 markasi esa 94 markasida boʻlib chiqdi. Sifatga gap yoʻq. Shahobchalar kun-u tun ishlamoqda.
AI 80 marka 5900 soʻm, AI 92 marka esa 7900 soʻmdan sotilmoqda. AI 91 benzini bir yildan buyon sotuvda yoʻq ekan. Ushbu markadagi benzin asosan xususiy benzin shahobchalarida qolibdi.
Yuqoridagi narxlar faqat "Oʻzbekneftgaz" tizimidagi benzin quyish shahobchalarida amal qilmoqda. Qolgan xususiy benzin sotuvchi tashkilotlarda esa narxlar turlicha.
Aytgancha, isteʼmolchi sifatida har qanday shaxs shahobchadan xarid qilayotgan benzin sifatini laboratoriya tekshiruvidan oʻtkazishni talab qilishi mumkin ekan. – deb yozgan Kusherbayev.
Zapravochnaya kolonka - Sputnik Oʻzbekiston, 1920, 21.09.2021
Iqtisod
Oʻzbekistonda AI-98 markali benzin ishlab chiqarish oʻzlashtirildi
Eslatib oʻtamiz, benzin shu yoz boshida qimmatlashgan edi. Mutaxassislar bu faktni sotuvchilar tomonidan boshlangʻich narxlarning oshishi bilan bogʻlashgan.
Chakana sotuvchilar AI-80 benzinining boshlangʻich narxini bir tonna mahsulot uchun oʻrtacha 6 863,3 ming soʻmdan 6 970,8 ming soʻmgacha oshirdi. Shu munosabat bilan AI-80 benzinining oʻrtacha narxi 6 958,6 ming soʻmdan 7047,1 ming soʻmgacha koʻtarildi.
Davlat statistika qoʻmitasi maʼlumotiga koʻra, yanvar-avgust oylarida Oʻzbekistonga qiymati 100 mln dollarga teng boʻlgan 281,6 mln litr avtomobil benzini import qilindi. Avtomobil benzini importi oʻtgan yilning mos davriga nisbatan 3,2 barobarga oshdi.
Benzin asosan Rossiya (139 mln litr), Turkmaniston (121 mln litr), Qozogʻiston (16 mln litr) va Iroqdan (3,6 mln litr) olib kelindi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala