Siyosat

Oʻzbekiston BMTning “Quruqlik portlari” toʻgʻrisidagi bitimiga qoʻshildi

© Sputnik / Ramiz BaxtiyarovObstanovka v Termeze
Obstanovka v Termeze - Sputnik Oʻzbekiston, 1920, 06.10.2021
Shartnomaga qoʻshilishdan Oʻzbekistonning logistika markazlarini xalqaro ahamiyatga ega obʼyektlar sifatida qabul qilish va roʻyxatga kiritish kutilmoqda.
TOSHKENT, 6 okt – Sputnik. “Xalqaro shartnomani tasdiqlash toʻgʻrisida”gi Oʻzbekiston prezidenti qarori qabul qilindi.
Qaror bilan Oʻzbekiston Birlashgan Millatlar Tashkilotining Osiyo va Tinch okeani iqtisodiy va ijtimoiy komissiyasining "Quruqlik portlari" toʻgʻrisidagi hukumatlararo bitimiga qoʻshildi.
Yuklarni dengiz orqali tashish protseduralarini soddalashtirishga qaratilgan "Quruqlik portlari" toʻgʻrisidagi bitim 2013 yil 1 may kuni Bangkokda imzolangan.
Transport vazirligi mazkur xalqaro shartnomani amalga oshirish yuzasidan masʼul vakolatli organ etib belgilandi.
Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirgandan keyin Oʻzbekistonning huquq va majburiyatlari bajarilishi ustidan belgilangan tartibda nazoratni taʼminlaydi.
Shartnomaning asosiy maqsadi – Osiyo-Tinch okeani mintaqasida transport tashuvlarini uygʻunlashtirish va yengillashtirish uchun xalqaro ahamiyatga ega boʻlgan logistika markazlarini (quruqlik portlarini) qurish va ishlatish boʻyicha koʻrsatmalarni ishlab chiqish.
Shartnomaga qoʻshilishdan Oʻzbekistonning logistika markazlarini (quruqlik portlarini) xalqaro ahamiyatga ega obʼyektlar sifatida qabul qilish va roʻyxatga kiritish kutilmoqda.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala