Siyosat

Saylov – 2021: MDH PA kuzatuvchilari guruhiga tojikistonlik parlamentariy boshchilik qiladi

Gerb RUz - Sputnik Oʻzbekiston, 1920, 06.10.2021
MDH PA uzoq muddatli kuzatuvchilari Oʻzbekistonga tashrif buyurdi. Ular Toshkent shahri va viloyatlarda Oʻzbekiston prezidenti saylovini kuzatadi va monitoring olib boradi.
TOSHKENT, 6 okt – Sputnik. Mustaqil Davlatlar Hamdoʻstligi ishtirokchi davlatlari Parlamentlararo Assambleyasining (MDH PA) uzoq muddatli kuzatuvchilari Oʻzbekistonga tashrif buyurdi.
Markaziy saylov komissiyasida MDH PA Kengashi kotibiyati raisi oʻrinbosari – MDH PA ishtirokchi-davlatlarida demokratiyaning rivojlanishi, parlamentarizm va fuqarolarning saylov huquqlariga rioya etilishini monitoring qilish xalqaro instituti (DPRXI) direktori Ivan Mushket boshchiligidagi delegatsiya vakillari bilan uchrashuv boʻlib oʻtdi.
MSK raisi Zayniddin Nizomxoʻjayev mehmonlarni saylov kampaniyasi tadbirlari bilan tanishtirib, saylov Oʻzbekiston Konstitutsiyasi hamda Saylov kodeksiga muvofiq ochiq va oshkora oʻtkazilayotganini taʼkidladi.

“MDH PA kuzatuvchilari guruhiga Tojikiston Majlisi namoyandagon Majlisi Oli raisi birinchi oʻrinbosari Mahmadali Vatanzoda boshchilik qiladi”, - deyilgan xabarda.

MDH PA kuzatuvchilari oʻz faoliyati davomida Toshkent shahri va viloyatlarda Oʻzbekiston prezidenti saylovini kuzatadi va monitoring olib boradi.
Uzoq muddatli monitoring davomida DPRXI ekspertlari saylov kampaniyasining asosiy bosqichlarini kuzatadilar va tahlil qiladilar, shuningdek, saylov jarayonining ishtirokchilari: turli darajadagi saylov komissiyalari rahbarlari va siyosiy partiyalar shtablari vakillari bilan uchrashuvlar oʻtkazadilar. Uzoq muddatli kuzatuv natijasi sifatida yakuniy hisobot eʼlon qilinadi.
Vыborы v Uzbekistane - Sputnik Oʻzbekiston, 1920, 29.09.2021
Siyosat
Oʻzbekistonda MDH saylovlarni kuzatish missiyasi oʻz faoliyatini boshladi
Maʼlumot uchun: MDH PA kuzatuvchilar guruhi MDH saylovlarni kuzatish missiyasi tarkibiga kiradi. Shu bilan birga guruhning saylovlarni kuzatish bilan bogʻliq faoliyati MDH PAga aʼzo davlatlarda demokratiya, parlamentarizmning rivojlanishi va fuqarolarning saylov huquqlariga rioya etilishini monitoring qilish xalqaro instituti (DPRXI) tomonidan muvofiqlashtiriladi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala