Toshkentda Markaziy Osiyoda yagona bo‘lgan gen dermatozlarini davolash bo‘limi ishga tushdi
© Press-slujba Minzdrava RUz
Obuna bo‘lish
Bunga qadar O‘zbekistonda noyob genetik dermatozlarni davolash amalga oshiriladigan ixtisoslashtirilgan tibbiyot muassasasi yo‘q edi.
TOShKENT, 11 okt – Sputnik. Toshkent shahrida Markaziy Osiyoda yagona bo‘lgan gen dermatozlarini davolash bo‘limi ochildi. Bu haqda SSV matbuot xizmati xabar berdi.
Respublika ixtisoslashtirilgan dermatovenerologiya va kosmetologiya ilmiy-amaliy tibbiyot markazi qoshidagi bu gen dermatozlarini davolash bo‘limi irsiy teri kasalliklari, xususan, bullozli epidermoliz va ixtiozni tashxislash va davolash uchun mo‘ljallangan.
Ma’lum qilinishicha, O‘zbekistonda bullozli epidermoliz kasalligining 300 dan ortiq holati qayd etilgan bo‘lib, kasallik terida bo‘lgan yaralar bilan ajralib turadi. Yaralarni doimo maxsus bog‘lov vositalari bilan qoplash va qayta zararlanishdan himoyalash kerak. Bullozli epidermolizga ega insonlarni “kapalaklar” deb atashadi, chunki ularning nozik terisi kapalak qanoti bilan taqqoslanadi.
Ixtioz bilan kasallanganlar ancha ko‘proq – ular 1900 nafardan ortiq. Ixtiozga ega bemorlarning terisi namlikni saqlab turolmaydi va doim maxsus vositalar yordamiga muhtoj. Terining tashqi ko‘rinishi baliq tangachalariga o‘xshagani tufayli, bemorlarni “baliqchalar” deb atashadi.
“O‘zbekiston va butun Markaziy Osiyodagi “kapalaklar” va “baliqchalar”ning Toshkent shahrida barcha tibbiy xizmatlarni olishlari uchun noyob imkoniyat yaratildi. "Kapalak bolalar" NNT vasiyligida bo‘lganlar uchun bo‘limda yiliga 2-marta kompleks tashxis asosida simptomatik davolanish imkoni bor”, — deydi "Kapalak bolalar" NNT direktori Gulnoza G‘afurova.
Qayd etilishicha, bunga qadar O‘zbekistonda noyob genetik dermatozlarni davolash amalga oshiriladigan ixtisoslashtirilgan tibbiyot muassasasi yo‘q edi. Kasallikning jiddiy holatlarida bemorlar chet elga davolanish va jarrohlik amaliyotini amalga oshirish uchun yuborilardi.
1/5
© Press-slujba Minzdrava RUz
V Tashkente otkrilos pervoe v Sentralnoĭ Azii otdelenie po lecheniyu gennix dermatozov
2/5
© Press-slujba Minzdrava RUz
V Tashkente otkrilos pervoe v Sentralnoĭ Azii otdelenie po lecheniyu gennix dermatozov
3/5
© Press-slujba Minzdrava RUz
V Tashkente otkrilos pervoe v Sentralnoĭ Azii otdelenie po lecheniyu gennix dermatozov
4/5
© Press-slujba Minzdrava RUz
V Tashkente otkrilos pervoe v Sentralnoĭ Azii otdelenie po lecheniyu gennix dermatozov
5/5
© Press-slujba Minzdrava RUz
V Tashkente otkrilos pervoe v Sentralnoĭ Azii otdelenie po lecheniyu gennix dermatozov
1/5
© Press-slujba Minzdrava RUz
V Tashkente otkrilos pervoe v Sentralnoĭ Azii otdelenie po lecheniyu gennix dermatozov
2/5
© Press-slujba Minzdrava RUz
V Tashkente otkrilos pervoe v Sentralnoĭ Azii otdelenie po lecheniyu gennix dermatozov
3/5
© Press-slujba Minzdrava RUz
V Tashkente otkrilos pervoe v Sentralnoĭ Azii otdelenie po lecheniyu gennix dermatozov
4/5
© Press-slujba Minzdrava RUz
V Tashkente otkrilos pervoe v Sentralnoĭ Azii otdelenie po lecheniyu gennix dermatozov
5/5
© Press-slujba Minzdrava RUz
V Tashkente otkrilos pervoe v Sentralnoĭ Azii otdelenie po lecheniyu gennix dermatozov
Bo‘lim 24 ta o‘ringa ega. Bemor bilan birga joylashadigan shaxs uchun ham sharoitlar bor. Zamonaviy maxsus uskunalar bilan jihozlangan. Bular suv va nur bilan davolash usullari uchun qo‘llaniladigan uskunalardir. Fizioterapevtik muolajalar va multidisiplinar diagnostika uchun maxsus xona ham tashkil etilgan.
Yaqin fursatlarda davolash bo‘limida Markaziy Osiyoning boshqa davlatlaridan kelgan bemorlar ham tibbiy yordam olishlari mumkin bo‘ladi.
