Kabul, Afganistan - Sputnik Oʻzbekiston, 1920
Afgʻonistonda vaziyat keskinlashuvi
AQSH qoʻshinlarini Afgʻonistondan olib chiqib ketishini eʼlon qilgach, toliblar mamlakatning deyarli barcha hududlari oʻz xatti-harakatlarini faollashtirdi. Ular kundan-kunga yangi tumanlarni oʻz nazoratiga ostiga oldi. Vaziyat Afgʻonistonning Oʻzbekiston va Tojikiston bilan chegaradosh hududlarida keskinlashdi.

Oʻzbekiston va Hindiston Afgʻonistonda uzoq muddatli tinchlik oʻrnatish boʻyicha hamkorlik qiladi

© MID UzbekistanaAbdulaziz Kamilov s Ministrom inostrannыx del Indii Subramanyamom Djayshankarom
Abdulaziz Kamilov  s Ministrom inostrannыx del Indii Subramanyamom Djayshankarom - Sputnik Oʻzbekiston, 1920, 12.10.2021
Hindiston va Oʻzbekiston tashqi ishlar vazirlari Afgʻonistonga insonparvarlik yordami koʻrsatish masalalarini muhokama qilishdi.
TOSHKENT, 12 okt - Sputnik. Oʻzbekiston va Hindiston Afgʻonistonda uzoq muddatli tinchlik oʻrnatish boʻyicha hamkorlik qiladi.
Bu haqida Nur-Sulton shahrida boʻlib oʻtayotgan Osiyoda hamkorlik va ishonch choralari boʻyicha Kengash doirasida Abdulaziz Kamilov Hindiston Tashqi ishlar vaziri Subramanyam Jayshankar bilan kelishib oldi.
Xususan, Hindiston tomoni Afgʻonistonda uzoq muddatli va barqaror tinchlikni oʻrnatish boʻyicha Oʻzbekiston bilan faol hamkorlikni davom ettirishga tayyorligini bildirdi.
Shuningdek, Afgʻonistondagi hozirgi vaziyat, jumladan, mamlakatga insonparvarlik yordam koʻrsatish borasida atroflicha fikr almashildi.
Undan tashqari Oʻzbekiston va Hindiston orasida turli sohalarda savdo-iqtisodiy hamkorlik istiqbollari, tomonlarning xalqaro tashkilotlar doirasidagi muloqotini kengaytirish masalalari muhokama qilindi.
Eslatib oʻtamiz, avgust oyning oʻrtasida Tolibon* harakati Afgʻonistonda hukumatni egallab olgan edi. Ayni damda mamlakatning barcha hududlari ushbu harakat taʼsiri ostida boʻlsa ham, lekin u yerda tinchlik oʻrnatilgani yoʻq. Oʻtgan juma kuni Qnduz shahri masjidlaridan birida terakt oqibatida oʻnlab fuqarolar qurbon boʻldi. Undan tashqari yaqinolashib kelayotgan qish mavsumida mamlakatda oziq-ovqat, gaz va elektr energiyasi yetishmasligi xavfi saqlanib qolmoqda.
* Rossiya va boshqa davlatlarda taʼqiqlangan terrorchi harakat.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala