Hodisalar

Andijonda soyga yogʻochdan koʻprik yasab, odamlarni pulga oʻtkazgan “uddaburonga” chora koʻrildi

© Sputnik / Yevgeniy Biyatov / Fotobankka oʻtishPrestupnik za reshetkoy
Prestupnik za reshetkoy - Sputnik Oʻzbekiston, 1920, 13.10.2021
Erkak mayda bezorilik va oʻzboshimchalik moddalari bilan aybdor deb topilgan. Sud unga 7 sutka maʼmuriy qamoq jazosini tayinlagan.
TOSHKENT, 13 okt – Sputnik. Andijon viloyati Buloqboshi tumanida yogʻochdan koʻprik yasab, odamlarni soydan pul evaziga oʻtkazgan shaxsga chora koʻrildi. Bu haqda tuman hokimligi matbuot xizmati maʼlum qildi.
Avvalroq ijtimoiy tarmoqlarda tumandagi soylardan birining ustiga yogʻochdan koʻprik oʻrnatib, odamlardan pul ishlayotgan fuqaro toʻgʻrisida xabar tarqalgan edi.
Tuman hokimligi maʼlumotlariga koʻra, 2021 yilning iyul oyidagi tabiiy ofat oqibatida Aravonsoy koʻprigi yaroqsiz holatga kelib qolgan va undan foydalanish toʻxtatilgan.
10 oktyabr kuni “Bozorboshi” MFY Chilonzor koʻchasida yashovchi 35 yoshli, muqaddam sudlangan N.I. oʻzining noqonuniy xatti-harakati bilan soyga ikkita yogʻochdan iborat koʻprik yasab, odamlarni 1000 soʻm evaziga oʻtkazib qoʻyishni “biznes” qilib olgan.
Bu holat oʻrganilib, Buloqboshi tumani sudida koʻrib chiqilgan. N.I. Maʼmuriy javobgarlik toʻgʻrisidagi kodeksning 183- (mayda bezorilik) va 200- moddalari (oʻzboshimchalik) bilan aybdor deb topilgan. Sud unga 7 sutka maʼmuriy qamoq jazosini tayinlagan.
Hokimlik hozirda tumandagi koʻprikni qurish va taʼmirlash ishlari boshlanganini qoʻshimcha qilgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala