Analitika

Migrantlarni afv qilish qanchalik toʻgʻri qaror?

RMF Rossiya 150 ming oʻzbekistonlik migrantga qoʻyilgan taqiqni olib tashlaganini maʼlum qildi.
TOSHKENT, 13 okt – Sputnik. “Amnistiya” qaysi tamoyil asosida qabul qilinadi va qaysi toifadagi migrantlar afv qilinishi mumkin? Xorijliklar uchun yangi yengilliklarni qachon kutish mumkin? Bu va boshqa savollarga Rossiya FA xalq xoʻjaligini prognozlashtirish instituti yetakchi ilmiy xodimi, iqtisod fanlari nomzodi Dmitriy Poletayev Sputnik agentligiga bergan ekskyuziv intervyusida javob berdi.
Oʻzbekiston va Tojikistondan boʻlgan migratsiya qonunlarini buzganlarning kechirishning asosiy sabablaridan biri pandemiya keltirib chiqargan mehnat bozoridagi ogʻir vaziyat boʻldi. Iqtisodiyot ishchi kuchini talab qiladi, shu bois murosa qilib, jamiyat uchun xavf tugʻdirmaydigan kishilar uchun chegaralarni ochishga toʻgʻri kelmoqda.
Migrantы - Sputnik Oʻzbekiston, 1920, 12.10.2021
Migratsiya
Rossiya 150 ming oʻzbekistonlikdan mamlakatga kirish taqiqini olib tashladi
Poletayev odatda jiddiy huquqbuzarlikni sodir etmagan migrantlar toifasi afv qilinishini tushuntirdi.
“Xorijliklarga yengilroq yondashgan sari, qonuniylik shuncha koʻproq boʻladi, binobarin – ular ustidan samaraliroq nazorat boʻladi. Afv – bu vaqtinchalik chora, undan suiisteʼmol qilmagan yaxshiroq”, - deb hisoblaydi Dmitriy Poletayev.
Ekspertning soʻzlariga koʻra, muntazam ravishda xorijliklarga qoʻyilgan taqiqni bekor qilish kutilgan samaranini bermaydi. U Rossiya uchun migrantlar muhimligini taʼkidladi, biroq ishchi-ish beruvchi munosabatlarini tartibga soluvchi aniq tizim darkor.
“Asta-sekinlik bilan migratsiya sohasini liberalizatsiya qilish zarur. Afv qilishga kelsak, uni 5-10 yilda bir marta eʼlon qilish maqsadga muvofiq, boʻlmasa qonunchilikning ahamiyati yoʻqoladi, jazo oʻz maʼnosi yoʻqotadi, baribir kechirishadiku degan fikr shakllanadi”, - deb oʻylaydi ekspert.
Passajirы v aeroportu Tolmachevo v Novosibirske. - Sputnik Oʻzbekiston, 1920, 12.10.2021
Migratsiya
Endi nima qilish kerak? Rossiya 150 ming oʻzbekistonlikka qoʻyilgan “zapret”ni bekor qildi
Poletayev 2020 yilda Xalqaro migratsiya tashkiloti bilan birgalikda oʻtkazilgan tadqiqotni eslatib oʻtdi. Tadqiqot natijalari 60 foiz mingantlarning qonuniy boʻlish bilan muammosi borligini koʻrsatgan.
“Bu borada Oʻzbekistonning tashkillashtirib joʻnatish, jumladan, vatandan tibbiy koʻrikdan oʻtkazish va hujjatlarni toʻplash tajribasi Markaziy Osiyo mamlakatlari uchun amaliy namuna boʻla olishi mumkin. Ammo bu yirik kompaniyalarga taalluqli. Xususiy sektorlar bunday jarayonlarni boʻyniga ololmaydi”, - deya xulosa qildi u.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala