Moskva sudi balerina Volochkovaning “Bolshoy teatr” ustidan yozgan arizasini qondirmadi

© Sputnik / Yekaterina ChesnokovaBalerina Anastasiya Volochkova
Balerina Anastasiya Volochkova - Sputnik O‘zbekiston, 1920, 13.10.2021
Obuna bo‘lish
TOShKENT, 13 okt – Sputnik. Moskva shahar Tver rayon sudi sobiq balerina Anastasiya Volochkovaning “Bolshoy teatr” ustidan yozgan arizasini bu safar ham qondirmadi, deb xabar qilmoqda RIA Novosti.
Sobiq balerina Anastasiya Volochkova “Bolshoy teatr” uni noqonuniy ishdan haydagan deb hisoblab tovon puli to‘lashni talab qilgan edi.
Volochkova o‘z Instagramida xabar qilishiga ko‘ra, “Bolshoy teatr” rahbariyati 2003-yilda uni “nohaq” ishdan bo‘shatgan va bo‘shatish vaqtida teatr unga to‘lash kerak bo‘lgan pulni ham to‘lamagan. Undan tashqari 2010-yildan 2021-yilning 15-iyuniga qadar ish haqi to‘lanmasdan berilgan ta’tilni ham “noqonuniy” deb atagan. Shuningdek unga yetkazilgan “ma’naviy zararni” ham qoplashni talab qilgan.
Ma’lumot uchun, Anastasiya Volochkova o‘z karyerasini 1994-yilda Sankt-Peterburgdagi Mariinskiy teatrida boshlagan, 1998yildan “Bolshoy”ga o‘tgan. 2003-yilda Rossiyaning eng mashhur teatri u bilan shartnomani uzaytrishishdan voz kechgan. Sabab: balerinaning vazni ortib ketgani sababli, teatrning barcha erkak raqqoslari u bilan juftlikda raqsga tushishdan voz kechgan. Shundan so‘ng Volochkova “Bolshoy teatr” ustidan bir necha bor sudga murojaat qilsa-da uning arizasi qondirilmagan. 2005-yildan buyon sobiq balerina turli filmlarda suratga tushib o‘zining solo dasturlari bilan sahnaga chiqib kelmoqda.
Yangiliklar lentasi
0