Jamiyat

"Asos yoʻq": DSQ Alisher Qodirovning migrantlardan soliq undirish taklifi boʻyicha javob berdi

© Sputnik / Maksim Blinov / Fotobankka oʻtishSituatsiya u migratsionnogo tsentra v Podmoskovye
Situatsiya u migratsionnogo tsentra v Podmoskovye - Sputnik Oʻzbekiston, 1920, 15.10.2021
Soliq qoʻmitasi Alisher Qodirovning migrantlardan soliq undirish taklifi yuzasidan izoh berdi.
TOSHKENT, 15 okt — Sputnik. Oʻzbekiston Davlat soliq qoʻmitasi Alisher Qodirovning oʻzbekistonlik mehnat migrantlari uchun daromad soligʻini joriy etish haqidagi taklifi yuzasidan izoh berdi.
Qoʻmita vakillari “bu tashabbusni amalga oshirish uchun hech qanday asos yoʻq”, deb aytishdi Sputnik Oʻzbekiston muxbiriga.
"Migrantlar uchun daromad soligʻi Oʻzbekiston soliq qonunchiligida yozilmagan. Hozirda bunday taklif yoki niyat yoʻq", - dedi DSQ matbuot kotibi Muzaffar Nazarov.
Avvalroq, Oʻzbekiston prezidentligiga nomzod, "Milliy tiklanish" demokratik partiyasi raisi Alisher Qodirov chet elda ishlayotgan vatandoshlar uchun daromad soligʻini joriy etishni taklif qilgandi.
Trudovыe migrantы iz Uzbekistana v Koreye - Sputnik Oʻzbekiston, 1920, 15.10.2021
Migratsiya
Oʻzbekiston mehnat migrantlariga qulayliklar yaratmoqda
"Mamlakatning taraqqiyoti uchun soliqlarning oʻrni juda muhim. Nima uchun bizda migrantlar xorijda ishlab topgan daromadidan soliq toʻlamasligi kerak? Oʻzbekistonning taraqqiyoti uchun, kelinglar, soliq toʻlaylik", — deydi Qodirov.
"Biz hozir pul aylanmasini faqatgina migrantlarning ishlayotgan joyidan oilasiga joʻnatgan puli boʻyicha hisob-kitob qilib, shuncha pul aylanyapti deyapmiz. Bu ham yaxshi, albatta. Lekin u sizning oilangizga joʻnatilgan pul. Undan soliq toʻlanayotgani yoʻq, u mamlakatning taraqqiyoti uchun ishlatilmayapti. Shuning uchun men yanayam vatanparvarroq boʻlishni taklif qilgan boʻlardim, migrantlar ham oʻzining soligʻini mamlakat taraqqiyoti uchun toʻlasin", — deydi u.
Eslatib oʻtamiz, Oʻzbekiston va Rossiya oʻrtasida uzoq vaqtdan beri ikki tomonlama soliqqa tortishni istisno qilish toʻgʻrisidagi bir qancha shartnomalar amal qilmoqda.
Bundan tashqari, mamlakatlar chet elga chiqayotgan fuqarolar uchun qulay ish sharoitlarini yaratish maqsadida bu sohada hamkorlikni faol rivojlantirmoqda. Masalan, migrantlar ishga joylashish xarajatlarini qoplash uchun kompensatsiya miqdori koʻpaytiriladi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala