Siyosat

Shavkat Mirziyoyev MDHni rivojlantirish uchun 10 tashabbus bilan chiqdi

© Press-slujba prezidenta UzbekistanaPrezident Uzbekistana Shavkat Mirziyoyev
Prezident Uzbekistana Shavkat Mirziyoyev - Sputnik Oʻzbekiston, 1920, 15.10.2021
Oʻzbekiston prezidentining MDH davlatlari orasida sanoat kooperatsiyasi, transport koridorlarini rivojlantirish, bojxona talablarini umumlashtirish, pandemiyani monitoring qilish va boshqa takliflari.
TOSHKENT, 15 okt - Sputnik. Videokonferentsiya shaklida boʻlib oʻtayotgan MDH rahbarlari sammitida Shavkat Mirziyoyev ushbutuzilmani yanada rivojlantirish, oʻzaro hamkorlikni chuqurlashtirish maqsadida quyidagi tashabbuslarni bildirdi.
1. MDH doirasida iqtisodiy hamkorlikni rivojlantirish. Pandemiyaga qaramasdan MDH davlatlari orasida savdo-sotiq miqdori 1/3 marotaba oʻsdi. Bunda nafaqat son jihatidan balkim sifat jihatidan ham oʻsish kuzatildi. Oʻzaro savdo-sotiqda yuqori qoʻshilgan qiymatga ega boʻlgan mahsulotlar miqdori oshdi. Hamkorlikni yanada rivojlantirish maqsadida toʻlaqonli Erkin savdo zonasi tashkil qilish, iqtisodlarni oʻzaro majmuali baholash va MDH doirasida savdo-sotiqli erkinlashtirish taklif qilindi.
2. Sanoat kooperatsiyasini rivojlantirish. MDH davlatlari orasida sanoat kooperatsiyasini rivojlantirish muhim ahamiyatga ega. Ushbu maqsadda, Oʻzbekiston kelgusi yil bahorda Toshkentda sanoat koʻrgazmasi tashkil qilishga tayyor.
3. Hududlararo va transkontinental transport koridorlarini rivojlantirish - juda muhim aamiyatga ega. Oʻzbekiston bojxona tariflarini pasaytirish, bojxona protseduralarini soddalashtirish, raqamli texnologiyalardan foydalanish tarafdori.
4. Innovatsiyalar va va start aplar sohasida oʻzaro hamkorlik qilish, yosh tadbirkorlar va IT parklar orasida hamkorlikni yoʻlga qoʻyish.
5. Tadbirkorlar va hududlar orasida aloqalarni rivojlantirish. Shavkat Mirziyoyev iqtisodiy aloqalarni rivojlantirish maqsadida MDH doirasida tadbirkorlar va hududlar orasida toʻgʻridan-toʻgʻri aloqalarni yoʻlga qoʻyishni taklif qildi.
6. Global iqlim oʻzgarishiga qarshi kurash. Markaziy Osiyoda global iqim oʻzgarishi umumjahon koʻrsatgichlaridan 2 baravar tez sodir boʻlmoqda. Undan tashqari Orol dengizi inqirozi muammosi bor. MDHda iqlim oʻzgarishiga qarshi kurashish uchun yoʻl xaritasini ishlab chiqishni taklif qilindi.
7. MDHda pandemiyani kuzatish boʻyicha yagona monitoring tizimi tashkil qilish. Shuningdek epidemiyalar haqida tezkor ogohlantirish tizimi tashkil etish.
8. MDHda yagona migratsiya tizimi joriy etish. Shuningdek, Oʻzbekiston tashkillashtirilgan tartibda ishga jalb qilish tizimi joriy etish tarafdori.
9. Oʻzaro turistik almashuvlarni tiklash. Sayyohlarga nisbatan milliy talablarni umumlashtirish. Oʻzaro vaktsinalarni tan olishning onlayn mexanizmini yoʻlga qoʻyish.
10. Oʻzaro madaniy-gumanitar munosabatlarni rivojlantirish.
Undan tashqari, Shavkat Mirziyoyev Oʻzbekiston Afgʻonistonning yangi hukumati tarafida ekanini maʼlum qildi. Shu bilan birga, Oʻzbekiston prezidenti MDH tashqi chegaralarini mustahkamlashni va xavfsizlik xizmatlari orasida aloqalarni rivojlantirishni taklif qildi.
Chiqish soʻngida, Mirziyoyev kelgusi yil MDHda raislikni qabul qilish bilan Qozogʻiston prezidenti Qosim-Joʻmart Toqayevni tabrikladi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala