Siyosat

Tanzila Narbayeva Valentina Matviyenko bilan uchrashdi

© Press-slujba Senata Oliy MajlisaVstrecha Tanzilы Narbayevoy i Valentinы Matviyenko
Vstrecha Tanzilы Narbayevoy i Valentinы Matviyenko - Sputnik Oʻzbekiston, 1920, 15.10.2021
Uchrashuvda ikki davlat parlamentlari orasidagi aloqalarini rivojlantirish hamda MDH parlamentlararo aloqalarni rivojlantirish masalalari muhokama qilindi.
TOSHKENT, 15 okt - Sputnik. Oʻzbekiston Oliy Majlisi Senati raisi Tanzila Narbayeva Sankt-Peterburgda Rossiya Federal Kengashi raisi Valentina Matviyenko bilan uchrashdi.
Uchinchi Yevroosiyo forumi doirasida boʻlib oʻtgan uchrashuvda, ikki davlat parlamentlari raislari Rossiya va Oʻzbekiston orasidagi munosabatlarni yanada rivojlantirish, gumanitar hamkorlik sohalarida ayollar rolini oshirishga alohida eʼtibor berishga kelishib olishdi.
— Rossiya Oʻzbekistonning ishonchli va vaqt sinovidan oʻtgan strategik sherigi hisoblanadi, ikki tomonlama munosabatlarimiz faol rivojlanmoqda, – dedi Oliy Majlis Senati raisi. – Parlamentlarimiz aʼzolari oʻrtasidagi muloqotning faollashishi, albatta, Oʻzbekiston va Rossiya oʻrtasidagi koʻp qirrali hamda uzoq muddatli hamkorlikni yanada chuqurlashtirishga alohida hissa qoʻshadi. Ikki tomonlama savdo-iqtisodiy va sarmoyaviy hamkorlik, shuningdek, taʼlim va boshqa sohalardagi munosabatlarda ayollar rolini oshirish katta ahamiyatga ega.
Matviyenko oʻz navbatida Oʻzbekistonda Shavkat Mirzyoyev ishtirokida amalga oshirilayotgan ishlarni yuqori baholadi va Rossiya hamkorlikni yanada chuqurlashtirish niyatida ekanini maʼlum qildi.
— Biz munosabatlarimizni yuqori darajaga olib chiqishdan manfaatdormiz va iqtisodiy hamkorlikni chuqurlashtirish niyatidamiz, - dedi Federatsiya Kengashi raisi.
Undan tashqari uchrashuvda parlamentlararo hamkorlikning istiqbollari, MDH Parlamentlararo assambleya doirasidagi oʻzaro hamkorlik, shu jumladan, PA Kengashi, Assambleyaning yalpi majlisi va yoshlar majlisini 2022 yilning kuzida Oʻzbekistonda oʻtkazish masalalari ham muhokama qilindi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala