Turizm

“Aqlni shoshirib qoʻyadi”: Navoiydagi diqqatga sazovor 5 ta asosiy maskan

© SputnikMavlono Orif Deggaroniy masjidi
Mavlono Orif Deggaroniy masjidi - Sputnik Oʻzbekiston, 1920, 17.10.2021
Navoiy oʻzining betakror maskanlari bilan har qanday sayyohni oʻziga maftun qiladi oladi. Neolit davriga mansub petrogliflar, Mavlono Orif Deggaroniy masjidi qurilishida ishlatilgan moddalar sirlari shular jumlasidan.
TOSHKENT, 17 okt — Sputnik. Joriy yilning 14-15 oktyabr kunlari Turizm va sport vazirligi, Navoiy viloyati hokimligi hamda viloyat Turizm va sport bosh boshqarmasi hamkorligida info-tur tashkil etildi. Unda bir qator mahalliy va xorijiy OAV vakillari Navoiy viloyatining turistik salohiyati bilan tanishib chiqishdi.
Viloyatning 5 ta diqqatga sazovor joylari – Sputnik reportajida.

Sarmishsoy – uzoq oʻtmishga meditativ sayohat

Avvaliga rasmiy maʼlumotlarga yuzlanamiz: 2021 yilning uchinchi chorak yakunlari koʻra viloyatda hordiq chiqargan sayyohlarning soni qariyb 124,8 mingni tashkil etgan, shundan 4,5 ming nafari xorijliklar boʻlgan. Bu raqamlar koronavirus pandemiyasining avj olishi ichki turizmning rivojlanishiga turtki boʻlganidan dalolat beradi.
Dastavval ekskursiya “Sarmishsoy” davlat muzey-qoʻriqxonasida boʻlib oʻtdi. Taʼkidlash joizki, Sarmishsoy oʻzining ajoiyb tabiati bilan ajralib turadi. Maskan istiqbolli hududi 20 ming kvadrat kilometrni tashkil etadi. Bu yerdagi qattiq jismlar bilan urib, tirnab ishlangan 10 mingdan ziyod petrogliflar odam aqlini shoshirib qoʻyadi. Zero ularning eng qadimgisi neolit davriga mansub.
© Sputnik“Sarmishsoy” davlat muzey-qoʻriqxonasi
“Sarmishsoy” davlat muzey-qoʻriqxonasi - Sputnik Oʻzbekiston, 1920, 17.10.2021
“Sarmishsoy” davlat muzey-qoʻriqxonasi
Qoʻriqxona rahbari Ramazon Egamovning soʻzlariga koʻra, dara 10 mingta turli-tuman petrogliflariga ega. Ular boshqa hech bir davlatda uchramaydi. Sayyohlar umuminsoniy madaniy meros toʻplamlarini, xususan, skif, saklar hattoki ayrim joylarda greklar madaniyatini oʻz ichiga olgan qoyatosh suratlarni ilmiy tomondan oʻrganish uchun tashrif buyurishadi. Bundan tashqari, bu yerdagi tabiatning xushmanzaraligi, tabiat qoʻynida hordiq chiqarib, Qizil kitobga kiritilgan hayvonot olami bilan tanishish imkoni borligi sayyohlarni oʻziga ohangrabodek tortadi.
© Sputnik“Sarmishsoy” davlat muzey-qoʻriqxonasi
“Sarmishsoy” davlat muzey-qoʻriqxonasi - Sputnik Oʻzbekiston, 1920, 17.10.2021
“Sarmishsoy” davlat muzey-qoʻriqxonasi

Sayyohlarni hayratga soluvchi Mavlono Orif Deggaroniy masjidi

Masjidning paydo boʻlishi uzoq oʻtmishlarga borib taqalar ekan. Adabiyotshunos N. Mallayev Deggaron masjidini Buxoro shahridagi Ismoil Somoniy maqbarasidan ham qadimiyroq ekanligini bildirib oʻtgan.
“Koʻpchilik olimlar, obida islomdan avval qurilgan degan fikrni ham olgʻa surishmoqda. Chunki yodgorlik zardushtiylar davriga hos meʼmorchilik uslubida qurilgan boʻlib, markazida gulhan yoqib, otashparastlar ibodat qilishgan”, – deb soʻzlab beradi masjidning imom-xatibi binoning tarixi haqida.
© SputnikMavlono Orif Deggaroniy masjidi
Mavlono Orif Deggaroniy masjidi - Sputnik Oʻzbekiston, 1920, 17.10.2021
Mavlono Orif Deggaroniy masjidi
“Gʻishtlar orasidagi qorishmaning tarkibi mutaxassis va sayyohlarning kuchli qiziqishiga sabab boʻlib kelyapti. U judda qattiq elementdan tayyorlangan. Ayniqsa, chet ellik ziyoratchilar bundan taajjubga tushib qolishadi, hattoki ishonch hosili uchun uni tirnab ham koʻrishadi. Unga qanday modda qoʻshilgani hanuzgacha aniqlanmagan sir boʻlib qolmoqda”, – deb, qoʻshimcha qildi u.

Nur chashma – kuchli bioenergiya yigʻilgan maydon

Hazrati Nurota ziyoratgohini asosi “Nur chashma” hisoblanadi. Bu quduqdan bir soniyaga 400 litr suv qaynab chiqar hamda ariqlar yordamida shaharliklarning hovlisiga borar ekan.
Bu suv togʻ ichidagi, toshlar orasidan oʻtgan chogʻi turli xil kimyoviy birikmalarni, togʻ jinslaridagi har xil elementlarni eritib oʻzi bilan birga olib chiqadi ekan. Natijada esa yuqori minerallashgan suv yer yuziga chashma boʻlib otilib chiqishini koʻrish mumkin boʻladi.
Nurota tarixi boʻyicha mutaxassis Shavkat Ismoilzodadan chashma suvining tarkibi haqida soʻradik.
“Bilasizlarmi, suvning tarkibi hayratomuz, tadqiqotlar oʻtkazilganda 21 turdagi minerallar borligi aniqlangan, hali zamon ilm-fanga maʼlum boʻlmagan minerallar borligini gidrogeologlar birdek eʼtirof etishmoqda. Qishin-yozin suvning harorati bir xil 19,5 darajada saqlanib turadi. Bu suv shunday suvki – tirik suv deyiladi, ming bir dardga daʼvodir”, – deydi u.
© SputnikChashma
Chashma - Sputnik Oʻzbekiston, 1920, 17.10.2021
Chashma
Maʼlumot oʻrnida, 2004 yil 17 may kuni chashmadan 15 metr tepalikka qarab nur sochgan ekan. Mahalliy aholi esa bu hodisani oʻz koʻzlari bilan kuzatishga muvaffaq boʻlgan. Olimlar bu holatni qoʻyidagicha izohlashgan: “Kuchli bioenergiya yigʻilgan maydondan tarqalgan nur”.

Dasht oʻrtasidagi moviy sarob – Aydarkoʻl

Qizilqum dashtlari boʻylab Aydarkoʻlgacha yoʻl 20 daqiqa vaqtni oldi. Bu paytda koʻz oldimizda keng dasht yoyilib, goh-gohida qoʻy-podalariga koʻzimiz tushdi. Shunday boʻlsa-da, qumli dengizning oxiri yoʻqqa oʻxshab tuyulgan bir paytda goʻyoki hech qayerdan, bizning koʻz oʻngimizda moviy chiziq paydo boʻldi. Koʻlga yaqinlashganimiz sari ufq kattalashib oʻz chiroyini ochib boraverdi.
© SputnikAydarkoʻl
Aydarkoʻl - Sputnik Oʻzbekiston, 1920, 17.10.2021
Aydarkoʻl
Betakror goʻzallikka ega boʻlgan koʻl gʻoyat toza va iliqligi bilan ajralib turar ekan. Bu yerda yozning jazirama issiq kunlarini katta-yu kichik birdek oʻtkazishni xohlashi tabiiy.
Bu maskan baliq ovining shinavandilari uchun ayni muddao. Chunki baliqlarining dongʻi qoʻshni-qoʻshni qishloqlargacha ham yetib borgan.
© SputnikAydarkoʻl
Aydarkoʻl - Sputnik Oʻzbekiston, 1920, 17.10.2021
Aydarkoʻl

“Kemel travel” - chinakam sarguzasht ishqibozlari maskani

Biroz vaqt oʻtgach, yana oʻsha Zarafshon choʻlining bepayon kengliklarida joylashgan yurta – “Kemel travel”ga yetib bordik.
Aytish kerakki, choʻlda boʻlishiga qaramasdan, u yerda hayot uchun barcha zarur sharoitlar bor. Hozirgi kunda bu maskanda 17 yurta oʻrnatilgan boʻlib, may oyidan boshlab noyabr oyigacha sayyohlarga xizmat koʻrsatmoqda.
Sayyohlar bu maskanda sahro kemalari ikki oʻrkachli tuyalarda va otlarda uchishlari mumkin. Koʻchmanchilarning hayot tarzini yaqindan his qilishni imkoniyati shu yerda tugʻiladi.
© SputnikKemel travel v Navoi
Kemel travel v Navoi - Sputnik Oʻzbekiston, 1920, 17.10.2021
Kemel travel v Navoi
Kechki payt oʻtovlarning markazida gulxan yoqiladi va baxshilarning turli xil kuy-qoʻshiqlari yangraydi.
Germaniyadan tashrif buyurgan Sabine Dorendorf maskan haqidagi oʻz tassurotlari bilan oʻrtoqlashdi.
“Biz bu ajoyib joyga yetib keldik va bu oʻziga hos uylarga joylashdik. Ular juda rang-barang. Birinchi qilgan ishimiz tuyaga minish boʻldi. Bu unutilmas!”, – deydi xorijlik sayyoh.
Novogodnyaya yelka - Sputnik Oʻzbekiston, 1920, 10.10.2021
Turizm
Oʻzbekiston Yangi yilni nishonlash uchun eng jozibali mamlakatlar beshligiga kiritildi
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala