Hodisalar

Andijonda shifokorni doʻpposlagan erkak hibsga olindi

© Depositphotos / Alexander RathsMolodoy chelovek v naruchnikax
Molodoy chelovek v naruchnikax - Sputnik Oʻzbekiston, 1920, 19.10.2021
Mast fuqaro hamkasbini ajratish uchun borgan shifokor SH.Z.ning yuziga musht tushirgan.
TOSHKENT, 19 okt – Sputnik. Andijon viloyati Paxtaobod tumanida tez yordam shifokorini doʻpposlagan fuqaroga qarshi jinoiy ish qoʻzgʻatildi.
Cogʻliqni saqlash vazirligi xabariga koʻra, 17 oktyabr kuni soat 00:30 lar chamasi Paxtaobod tez tibbiy yordam boʻlimi Madaniyat shoxobchasi dispetcher xizmatiga shu tumanning "Maʼrifat" mahallasidan murojaat kelib tushgan.
Chaqiruv manziliga darhol navbatchi shifokor N.A. boshchiligidagi tez yordam brigadasi yuborilgan. Biroq xonadon egasi 30 yoshli fuqaro B.T. shifokorlarning yetib borishini kutmay, bemor onasi G.U.ni oʻz shaxsiy avtomashinasida tez yordam shoxobchasiga olib kelgan.
Vыstavka Innoprom v Tashkente - Sputnik Oʻzbekiston, 1920, 04.08.2021
Hodisalar
Namanganda shifokor doʻpposlanishi yuzasidan jinoiy ish ochildi
Oʻsha kuni tuman tez tibbiy yordam boʻlimi Madaniyat shoxobchasida navbatchilik qilayotgan boshqa bir shifokor 27 yoshli SH.Z. darhol bemorning qon bosimi, yurak urishini oʻlchab, unga kerakli tibbiy yordam koʻrsatgan.
Qayd etilishicha, oʻz vaqtidagi muolajalar sababli bemor G.U.ning qon bosimi meʼyorlashib, umumiy holati yaxshilangan. Ammo fuqaro B.T. onasiga koʻrsatilayotgan tibbiy yordamdan qoniqmasdan shifokorlarni uyatli soʻzlar bilan haqorat qilgan va yana bir shifokor – M.D.ning yoqasidan olib, uni boʻgʻa boshlagan.
Fuqaro hamkasbini ajratish uchun borgan SH.Z.ning yuziga musht tushirgan. Bunga qanoat qilmagan B.T. musht zarbidan yerga yiqilgan SH.Z.ning yuzi va tanasining turli joylariga urib, unga jiddiy jarohat yetkazgan. Shifokor SH.Z. Andijon davlat tibbiyot instituti klinikasiga yotqizilgan.
Oʻtkazilgan sud-tibbiy ekspertizasi davomida SH. Zokirovga bosh miya chayqalishi, burun suyagining sinishi, ikkala koʻz qovoqlari va burun sohasidagi qontalash tashxisi qoʻyilgan.
Bosh prokuratura matbuot xizmati xabariga koʻra, holat yuzasidan Jinoyat kodeksining 277-moddasi (Bezorilik) bilan jinoyat ishi qoʻzgʻatilgan. Gumondor shaxsga nisbatan qamoqqa olish ehtiyot chorasi qoʻllanilgan.
Tergov harakatlari olib borilmoqda.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala