Siyosat

Kovid, elektron tijorat, Afgʻoniston: Mirziyoyev va Tszinpin nimalarni muhokama qilishdi

© Press-slujba prezidenta UzbekistanaPrezident Shavkat Mirziyoyev v ramkax proxodyaщego v Tsindao Sammita SHOS vstretilsya s Predsedatelem Kitayskoy Narodnoy Respubliki Si Tszinpinom
Prezident Shavkat Mirziyoyev v ramkax proxodyaщego v Tsindao Sammita SHOS vstretilsya s Predsedatelem Kitayskoy Narodnoy Respubliki Si Tszinpinom - Sputnik Oʻzbekiston, 1920, 27.10.2021
Oʻzbekiston va Xitoy yetakchilari telefon orqali qator dolzarb masalalarni muhokama qilishdi.
TOSHKENT, 27 okt – Sputnik. Oʻzbekiston prezidenti Shavkat Mirziyoyev XXR raisi Si Tszinpin bilan telefon orqali muloqot qildi. Bu haqda davlat rahbari matbuot xizmati xabar bermoqda.
Suhbat avvalida Si Tszinpin Mirziyoyevni Oʻzbekiston prezidenti saylovida ishonchli gʻalabaga erishilgani bilan samimiy qutlagan.
Siyosiy sohada Shavkat Mirziyoyev “yagona Xitoy siyosati”ni hamda “uch yovuz kuch” – terrorizm, ekstremizm va separatizmga qarshi qatʼiy kurashni doimiy qoʻllab-quvvatlashini bildirdi.
Bundan tashqari, koronavirus pandemiyasiga qarshi kurashda koʻrsatilayotgan katta amaliy yordam, shu jumladan vaktsinalar oʻz vaqtida yetkazib berilayotgani va ularni birgalikda ishlab chiqarish yoʻlga qoʻyilgani uchun minnatdorlik bildirildi.
Savdo-iqtisodiy sohada yetakchilar tovar ayirboshlash sezilarli oʻsayotganini qayd etdilar. Xitoy bozoriga zarur mahsulotlar, eng avvalo qishloq xoʻjaligi tovarlarini ilgari surish maqsadida joriy yil noyabr oyida Shanxay shahrida oʻtadigan toʻrtinchi Import tovarlar xalqaro koʻrgazmasida Oʻzbekiston faol ishtirok etishiga kelishib olindi.
“Besh yillik Savdo-iqtisodiy hamkorlik dasturini tayyorlash, unga strategik ahamiyatga ega, shu jumladan innovatsiyalar, sunʼiy intellekt, raqamli texnologiyalar va elektron tijorat sohalari boʻyicha loyihalarni kiritish masalasiga alohida eʼtibor qaratildi”, - deyilgan xabarda.
Kambagʻallikni kamaytirish masalalarida tajriba va bilim almashish muhim yoʻnalish sifatida belgilab olindi.
Oʻzbekiston va Xitoy rahbarlari Xitoyni mintaqa bilan bogʻlaydigan va “Bir makon, bir yoʻl” tashabbusi doirasida Yevroosiyo transqitʼaviy tranzit yoʻlagini shakllantiradigan samarali transport yoʻnalishlarini rivojlantirish zarurligini taʼkidladilar.
Semya afganskix bejentsev s veщami vozle jeleznodorojnoy stantsii v Chamane, Pakistan - Sputnik Oʻzbekiston, 1920, 07.10.2021
Afgʻonistonda vaziyat keskinlashuvi
Oʻzbekiston va Xitoy afgʻon xalqiga gumanitar yordam koʻrsatishni muhokama qildi
Fan va taʼlim, sogʻliqni saqlash va aholini emlash, sport, turizm, madaniyat va boshqa yoʻnalishlarda hamkorlikni kengaytirish uchun imkoniyatlar mavjud ekani qayd etildi.
Tomonlar joriy yil yakunigacha Oʻzbekiston-Xitoy hukumatlararo qoʻmitasining navbatdagi yigʻilishini oʻtkazish, shuningdek, diplomatik munosabatlar oʻrnatilganining 30 yilligini nishonlash boʻyicha qoʻshma dasturni tayyorlashga kelishib olishdi.
Davlat rahbarlari Afgʻonistonda mustahkam tinchlik oʻrnatish va iqtisodiy taraqqiyotga erishish masalalarini ham koʻrib chiqdilar. Afgʻon xalqiga koʻmaklashish maqsadida SHHT va boshqa formatlar doirasidagi muloqotni davom ettirish haqida kelishuvga erishildi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala