Jamiyat

Oʻzbekistonda xotin-qizlarni shilqimlardan himoyalashga qaratilgan bot ishga tushdi

© Unsplash / Claudia SorayaSiluet jenщinы. Illyustrativnoye foto
Siluet jenщinы. Illyustrativnoye foto - Sputnik Oʻzbekiston, 1920, 28.10.2021
Nizomiy nomidagi pedagogiga universitetida dekan oʻrinbosari tomonidan talaba qizga nisbatan sodir etilgan tegajogʻliq holatidan soʻng shunday vaziyatlarning oldini olishga xizmat qiladigan ishonch telefoni ishga tushirildi
TOSHKENT, 28 okt - Sputnik. Oʻzbekistonda xotin-qizlarni shilqimlardan himoyalashga qaratilgan bot ishga tushdi.
Oliy va oʻrta maxsus taʼlim vazirligi tizimda ishlayotgan yoki tahsil olayotgan talaba qizlar, ayol xodimlardan ularga nisbatan biron-bir koʻrinishda tegajogʻlik, tazyiq yoki zoʻravonlik sodir etilgan boʻlsa yoxud ana shunday nojoʻya xatti- harakatlar tahdidi ostida boʻlsa yoki guvohi boʻlgan boʻlsa, hech ikkilanmay 1006 ishonch telefoni yoki @himoya_otv_bot telegram botiga murojaat qilishlarini soʻramoqda.
Vazirlik yozishicha, murojaat qiluvchilarning shaxsi va shaxsiy maʼlumotlari sir saqlanishi kafolatlanadi.
Saida Mirziyoyeva - Sputnik Oʻzbekiston, 1920, 28.10.2021
Jamiyat
Saida Mirziyoyeva zoʻrlanishiga bir bahya qolgan qiz voqeasiga munosabat bildirdi
Zarur boʻlgan barcha yordam koʻrsatiladi, nojoʻya xatti-harakatlarga yoʻl qoʻymaslik, sodir etilgan har bir holat boʻyicha qatʼiy choralar koʻrilishi taʼminlanadi.
Eslatib oʻtamiz, Nizomiy nomidagi pedagogika universitetida tahsil oldagina talaba qiz "Zulfiya" mukofotiga tavsiyanoma olish maqsadida yoshlar ishlari boʻyicha dekan oʻrinbosari A.B.ning oldiga yordam soʻrab kirganida talaba qizga nisbatan zoʻrlashga qaratilgan xatti-harakatlar amalga oshirilgan, soʻngra ojiza 2-qavatdan uloqtirilgan.
Mazkur hodisa oqibatida shifokorlar, jabrdiydaga tos suyagi sinishi, gematomalar va miya chayqalishi tashxisini qoʻyishgan.
Hozirda universitet dekan oʻrinbosariga nisbatan Jinoyat kodeksining 105-moddaning birinchi qismi va 118-moddaning birinchi qismi bilan jinoyat ishi qoʻzgʻatilgan hamda uni qamoqqa olish chorasi koʻrilgan.
Mazkur voqea jamoatchilik orasida katta shov-shuvlarga sabab boʻldi.
Mazkur hodisa Gender tenglikni taʼminlash boʻyicha respublika komissiyasi aʼzosi, Milliy mass-media fondi raisi oʻrinbosari Saida Mirziyoyeva, mass-media fondi raisi Komil Allamjonovlar tomonidan oʻta keskin qoralandi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala