Jamiyat

Yulduz Usmonova shoirga 185 million toʻlaydi - muallif huquqi

© InstagramYulduz Usmanova
Yulduz Usmanova - Sputnik Oʻzbekiston, 1920, 30.10.2021
Bundan buyon mualliflik huquqini buzgan shaxslar arzimagan jarima bilan qutilib qola olmaydi - Intellektual mulk agentligi.
TOSHKENT, 30 okt - Sputnik. Mualliflik huquqini buzgani uchun Yulduz Usmonova shoirga 185 million soʻm toʻlaydi, deb xabar qilmoqda Intellektual mulk agentligi.
Xabarda aytilishiga koʻra, shoir Roʻziyev Yoʻlchi qalamiga mansub “Xasta boʻlma” sheʼrini Oʻzbekiston Xalq artisti Yulduz Usmonova kuylagan va buning uchun muallifga hech qanday haq toʻlanmagan.
Shundan soʻng shoir Fuqarolik ishlari boʻyicha Mirzo Ulugʻbek tumanlaroro sudiga daʼvo arizasi kiritgan. Tekshiruv davomida ushbu sheʼr darhaqiqat shoir tomonidan 2016 yil 16 aprel kuni yozib tugatgani aniqlangan.
Fuqarolik ishlari boʻyicha Toshkent shahar Mirzo Ulugʻbek tumanlararo sudining 29 oktyabr kuni boʻlib oʻtgan majlisi qaroriga koʻra, daʼvogar hisobiga uning maʼnaviy zarari uchun 50 million soʻm hamda BHMning 500 baravari miqdoridagi tovon puli, umumiy miqdorda 185 million soʻm Yulduz Usmonova tomonidan undirish haqida qaror qabul qilindi, - deyilgan xabarda.
Maʼlumot uchun, Oʻzbekiston Fuqrolik kodeksiga koʻra adabiyot va sanʼat asariga mualliflik huquqi uni yaratish fakti boʻyicha yuzaga keladi. Mualliflik huquqining yuzaga kelishi va amalga oshirilishi uchun asarni roʻyxatdan oʻtkazish yoki biron-bir boshqa rasmiyatchilikka rioya etish talab qilinmaydi.Kodeksining 1046-moddasiga koʻra, Asar kimning ijodiy mehnati bilan yaratilgan boʻlsa, ana shu fuqaro asar muallifi deb eʼtirof etiladi.
Maʼlumot uchun, 20 avgustdan eʼtiboran mualliflik huquqi va turdosh huquqlar buzilgan taqdirda, huquqbuzarlik sodir etgan shaxslardan BHMning 20 baravaridan 1000 baravarigacha tovon talab qilish huquqi berildi.
Intellektual mulk agentligi xabar qilishiga koʻra, bundan buyon mualliflik huquqini buzgan shaxslar arzimagan jarima bilan qutilib qola olmaydi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala