Iqtisod

Yil davomida vazirliklarning byudjet pullarini oʻmarishlari 3 barobar koʻpaygan

© Sputnik / Ramiz BaxtiyarovNatsionalnaya valyuta Uzbekistana — sum
Natsionalnaya valyuta Uzbekistana — sum - Sputnik Oʻzbekiston, 1920, 31.10.2021
2021 yilning 9 oyi davomida 728,8 mlrd soʻmlik byudjet mablagʻlarining sarflanishida moliyaviy qoidabuzarliklar aniqlangan.
TOSHKENT, 31 okt — Sputnik. Oʻzbekistonda 2021 yilning 9 oyida vazirliklar byudjetdan qariyb 84 mlrd soʻm oʻzlashtirgan. Bu oʻtgan yilgiga nisbatan 3 barobar koʻpdir. Bu haqda Moliya vazirligi matbuot xizmati xabar berdi.
Qayd etilishicha, Davlat moliyaviy nazorati departamenti va uning hududiy boshqarmalari tomonidan 2021 yilning 9 oyida davlat organlarida oʻtkazilgan nazorat tadbirlarida 728,8 mlrd soʻmlik qonunbuzarliklar aniqlangan.
Joriy yilning hisobot davrida aniqlangan pul mablagʻlari va moddiy boyliklarning kamomadi hamda noqonuniy oʻzlashtirish holatlari (83,7 mlrd.soʻm) 2020 yilning 9 oyiga (28 mlrd.soʻm) nisbatan 3 martaga oshgan.
Ushbu holatlarning asosiy qismi quyidagi vazirlik va qoʻmitalar tizimida aniqlangan, jumladan:
Oliy va oʻrta maxsus taʼlim vazirligi tizimida — 23,3 mlrd soʻm (2020 yil 9 oyida —13 mln soʻm);
Sogʻliqni saqlash vazirligi tizimida — 17,2 mlrd soʻm (3,9 mlrd soʻm);
Xalq taʼlimi vazirligi tizimida — 14,4 mlrd soʻm (15,4 mlrd soʻm);
Maktabgacha taʼlim vazirligi tizimida — 5,7 mlrd soʻm (3,8 mlrd soʻm);
Madaniyat vazirligi tizimida — 2,7 mlrd soʻm (1 mlrd soʻm);
Turizm va sport vazirligi tizimida — 1,7 mlrd soʻm (0,4 mlrd soʻm);
Avtomobil yoʻllari qoʻmitasi tizimida — 4,2 mlrd soʻm (2 mln soʻm);
Oʻrmon xoʻjaligi davlat qoʻmitasi tizimida — 2,2 mlrd soʻm (0,4 mlrd soʻm);
Hokimliklarning obodonlashtirish boshqarmalarida — 2,5 mlrd soʻm (1 mlrd soʻm).
Shuningdek, oʻtkazilgan nazorat tadbirlarida 457,7 mlrd soʻmlik ish haqi va unga tenglashtirilgan toʻlovlarni asossiz ortiqcha toʻlanishi, qurilish taʼmirlash ishlarida narxlarni oshirib qoʻllanilishi va bajarilmagan ish hajmlarini qoʻshib yozish, tovar moddiy qiymatliklarni qimmat narxda xarid qilish kabi moliyaviy xato va kamchiliklar aniqlangan. Bunday holatlar 2020 yilning 9 oyiga (101,4 mlrd soʻm) nisbatan 4,5 martaga oshgan.
Bu holatlar asosan ushbu vazirliklar tizimlarida aniqlandi:
Xalq taʼlimi vazirligi – 61,1 milliard soʻm (2020 yil 9 oyi uchun 25,4 milliard soʻm);
Maktabgacha taʼlim vazirligi – 61,1 milliard soʻm (6,9 milliard soʻm);
Sogʻliqni saqlash vazirligi – 39,1 milliard soʻm (17,7 milliard soʻm);
Uy-joy kommunal xizmat koʻrsatish vazirligi – 27,3 milliard soʻm (6,3 milliard soʻm);
Madaniyat vazirligi – 18,4 milliard soʻm (2020 yil 9 oyda 2 milliard soʻm);
Suv xoʻjaligi vazirligi tizimida — 10,7 mlrd soʻm (3,6 mlrd soʻm);
Oliy va oʻrta maxsus taʼlim vazirligi tizimida — 7,4 mlrd soʻm (0,8 mlrd soʻm);
Turizm va sport vazirligi tizimida — 7,3 mlrd soʻm (1,8 mlrd soʻm);
Bandlik va mehnat munosabatlari vazirligi tizimida — 7,1 mlrd soʻm (0,4 mlrd soʻm);
Avtomobil yoʻllari qoʻmitasi tizimida — 80,9 mlrd soʻm (1,4 mlrd soʻm);
Hokimiyatlar huzuridagi "Yagona buyurtmachi xizmati" injiniring kompaniyalarida — 92,4 mlrd soʻm (5,6 mlrd soʻm);
Hokimliklarning obodonlashtirish boshqarmalarida — 5,6 mlrd soʻm (3,5 mlrd soʻm).
Tekshiruv natijalariga koʻra, hisobot davrida aniqlangan moliyaviy xato va kamchiliklarning 510,8 milliard soʻmi byudjetga tiklanganligi taʼminlangan.
Shu bilan birga, nazorat tadbirlari davomida byudjet muassasalarining xarajatlar smetasi va shtatlarida asossiz rejalashtirilgan mablagʻlarni qisqartirish va boshqa noqonuniy sarflanishiga chek qoʻyish hisobiga jami 365 milliard soʻmlik byudjet mablagʻlarining asossiz sarflanishining oldi olingan.
Shavkat Mirziyoyev 12 fevralya prinyal uchastiye v rasshirennom zasedanii kollegii Ministerstva vnutrennix del Respubliki Uzbekistan - Sputnik Oʻzbekiston, 1920, 25.03.2021
Siyosat
Mirziyoyev: endi byudjet mablagʻi talon-toroj boʻlsa, prokurorlar ham javobgar boʻladi
Byudjet qonunchiligini buzganlik uchun byudjet mablagʻlarini oluvchi tashkilotlarning 15 nafar rahbari va boshqa mansabdor shaxslariga nisbatan maʼmuriy huquqbuzarliklar toʻgʻrisida bayonnomalar tuzilgan. Hujjatlar koʻrib chiqish uchun maʼmuriy sudlarga yuborilgan.
Shuningdek, 3847 ta nazorat tadbirlarida aniqlangan 724,1 milliard soʻmlik qonunbuzarliklar huquqiy baho berish uchun huquqni muhofaza qiluvchi organlarga yuborilgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala