Jamiyat

Oʻzgidromet: haftaning ikkinchi yarmida havo keskin sovib ketadi

© Sputnik / Vitaliy Belousov / Fotobankka oʻtishOsen
Osen - Sputnik Oʻzbekiston, 1920, 01.11.2021
Uchinchi noyabr kunidan boshlab Oʻzbekiston boʻylab ob-havo keskin oʻzgaradi.
TOSHKENT, 1 noya — Sputnik. 1 noyabr kuni Oʻzbekistonning barcha hududlarida quruq, shamolsiz va nisbatan iliq ob-havo boʻlishi kutilmoqda. Kunning oʻrtasiga kelib, havo +15…+17 darajagacha isiydi. Bu haqda Oʻzgidromet xabar berdi.
3 noyabr kuni Oʻzbekiston boʻylab ob-havo keskin oʻzgaradi. Mamlakatga Ural hududlaridan sovuq va biroz nam antitsiklon kirib keladi. 4 noyabrda respublika boʻyicha baʼzi joylarda yomgʻir yogʻishi mumkin.
Togʻli hududlarda yomgʻir va qor koʻrinishidagi yogʻingarchilik boʻladi. Respublika shimolida yogʻingarchilik kutilmaydi. Kunduz kuni 4 noyabrda havo harorati +3…+8 iliqqacha pasayadi, bu oy boshi uchun boʻlgan meʼyoriy qiymatlardan +12…+15 darajaga past boʻladi. Baʼzi joylarda shamol tezligi 15−20 m/s gacha kuchayishi kutilmoqda.
5 noyabrda sovuq antitsiklon mamlakatning barcha hududlarini qamrab oladi. Yogʻingarchilik faqat ayrim togʻli hududlarda saqlanib turadi. Havo harorati kechasi -3..-5 daraja sovuqgacha, shimolda -7..-10 daraja sovuqgacha pasayadi, kunduz kuni harorat +3..+8 daraja iliqdan oshmaydi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala