Video

Rossiya 2060 yilga qadar neytral uglerodli iqtisod quradi – Putin

Rossiya 2060 yilga qadar neytral uglerodli iqtisod quradi, buning uchun hukumat oʻrmon xoʻjaliklarini asrash va kengaytirish bilan shugʻullanmoqda - Putin.
TOSHKENT, 3 noya - Sputnik. Rossiya prezidenti Vladimir Putin iqlim boʻyicha Glazgoda boʻlib oʻtayotgan xalqaro anjumanda videokonferentsiya formatida ishtirok etdi va Rossiyaning neytral uglerodli iqtisodga oʻtish rejalari haqida batafsil toʻxtalib oʻtdi.
“Rossiya oʻz oldiga 2060 yilga qadar neytral uglerodli iqtisod qurish vazifasini qoʻygan. Biz bunda, albatta, oʻzimizning takrorlanmas oʻrmon eko tizimlarimizga, ularning CO2 gazlarini yutish va kislorod ishlab chiqarish potentsialiga asoslanamiz”, - dedi Rossiya prezidenti.
“Axir bizning hududda Yer sharining jami oʻrmonlarining 20% joylashgan. Biz ushbu oʻrmonlarni saqlab qolish uchun barcha choralarni koʻrmoqdamiz”, deb Rossiya prezidenti hukmuat tomonidan koʻrilayotgan choralarni sanab oʻtdi. Xususan:
Oʻrmonlarni boshqarish tizimini takomillashtirish;
Oʻrmon yongʻinlari va noqonuniy oʻrmon kesishga qarshi kurash;
Oʻrmon hududlarni qayta tiklash;
Oʻrmon xoʻjaligini moliyalashtirishni oshirish;
Shu sababli Vladimir Putin ham Glazgo anjumanida muhokama qilinayotgan oʻrmon eko-tizimlarini saqlab qolish borasidaga barcha takliflarini qoʻllab-quvvatlashini taʼkidladi.
Rossiya prezidenti fikriga koʻra, G26da oʻrmon xoʻjaliklari boʻyicha taklif qilinayotgan tashabbuslar Atmosferaga CO2 gazlari chiqarishni kamaytirish boʻyicha Parij bitimini toʻliq qoʻllab-quvvatlaydi.
TETS - Sputnik Oʻzbekiston
Neytral uglerodli iqtisod

Ushbu termon biror davlat yoki kompaniya SO2 gazlarini chiqarishni butunlay toʻxtatganini yoki uni manfiy uglerodli faoliyat evaziga uni qisqartirganini anglatadi.

Ushbu termin 2020 yildan boshlab keng qoʻllanila boshladi. Ekologlar neytral uglerodli iqtisodni 3 bosqichga boʻlishgan:

1 - Atmosferaga toʻgʻridan-toʻgʻri chiqariladigan gazlarni yoʻq qilish kerak;

2 – foydalanilayotgan energiya manbaalari ham SO2 chiqarmasligi kerak;

3 – nafaqat kompanyaning oʻzi, balkim uning yetkazib beruvchi hamkorlari ham atmosferaga SO2 chiqarmasligi kerak.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala