Sport

Shomurodovning goli “Roma”ni magʻlubiyatdan qutqarib qololmadi – video

© AP PhotoEldor Shomurodov
Eldor Shomurodov - Sputnik Oʻzbekiston, 1920, 08.11.2021
Eldor Shomurodov “Roma” safida A Seriyada debyut golini urdi va 14 oʻyindan iborat golsiz seriyasiga barham berdi.
TOSHKENT, 8 noya – Sputnik. Futbol boʻyicha Italiya A Seriyasining 12-turida “Roma” “Venetsiya” maydonida mehmon boʻldi.
43-daqiqada oʻzbekistonlik futbolchi Eldor Shomurodov “Roma” safida A Seriyadagi debyut golini urdi.
Eldor soʻnggi bor UYEFA Konferentsiyalar Ligasida "Trabzonspor" darvozasiga gol urishga muvaffaq boʻlgandi. Ushbu gol orqali futbolchi 14 oʻyindan iborat golsiz seriyasiga ham barham berdi.
Shuningdek, birinchi boʻlimga qoʻshib berilgan vaqtda Shomurodov Temmi Abrahamga golli uzatmani amalga oshirdi va rimliklarning ikkinchi goliga hammualliflik qildi.
5 gol kiritilgan oʻyinda rimliklar magʻlub boʻlishdi. “Venetsiya” 3:2 hisobida “Roma”dan ustun keldi.
Ushbu natijadan keyin "Roma" 19 ochko bilan 6-oʻrinda qoldi. "Venetsiya" ochkolarini 12 taga yetkazib olgan holda, 14-pogʻonaga koʻtarildi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala