Hodisalar

Tavbasiga tayanmadi: terrorchilarga qoʻshilish uchun qochib ketgan shaxs qoʻshni mamlakatda ushlandi

© Pexels / KindelNaruchniki, illyustrativnoye foto
Naruchniki, illyustrativnoye foto - Sputnik Oʻzbekiston, 1920, 08.11.2021
Ilgari u “Tavhid va jihod katibasi”ga qoʻshilish uchun Oʻzbekistondan chiqib ketmoqchi boʻlganida 4 yil ozodlikni cheklash jazosini olgan.
TOSHKENT, 8 noya – Sputnik. Davlat xavfsizlik xizmati (DXX) xalqaro terrorchilik tashkilotga aloqadorligi uchun qidiruvda boʻlgan fuqaroni xorijdan Oʻzbekistonga olib keldi. Bu haqda DXX matbuot xizmati xabar bermoqda.
Xizmat maʼlumotlariga koʻra, 26 yoshli S.S. internet tarmogʻi orqali Suriyadagi “Tavhid va jihod katibasi”* terrorchilik tashkiloti aʼzolarining taʼsiriga tushib qolgan.
U oʻzining tanishlari bilan “Telegram”da virtual guruh tashkil etib, ekstremistik oqimlar va xalqaro terrorichilik tashkilotlar gʻoyaviy rahnamolarining “jihod”ga chorlovchi materiallarini unga joylagan.
Shuningdek, Suriyadagi “Tavhid va jihod katibasi”ga qoʻshilish uchun Oʻzbekistondan chiqib ketmoqchi boʻlishgan.
Ruki v naruchnikax - Sputnik Oʻzbekiston, 1920, 30.09.2021
Hodisalar
DXX 16 fevral voqealariga aloqador terrorchini qoʻlga oldi
Koʻrilgan chora-tadbirlar natijasida ularning noqonuniy harakatlari fosh etilgan. 2018 yilning iyun oyida S.S. va uning jinoiy aloqalariga nisbatan qoʻzgʻatilgan jinoyat ishi yuzasidan sayyor sud majlisi oʻtkazgan. Unga nisbatan insonparvarlik tamoyili qoʻllagan holda 4 yil ozodlikni cheklash jazosi tayinlangan.
Biroq S.S oʻz xatolaridan toʻgʻri xulosa chiqarmagan. Suriyadagi jangarilar safiga qoʻshilish maqsadida aylanma yoʻllar orqali davlat chegarasini kesib oʻtib, Markaziy Osiyo davlatlarining biriga borgan vaqtida hibsga olingan.
Hozirda unga nisbatan qoʻzgʻatilgan jinoyat ishi doirasida tergov harakatlari olib borilmoqda.
Avvalroq qidiruvdagi ISHID* aʼzosi Oʻzbekistonga olib kelingani xabar qilingan edi.
* Oʻzbekiston va qator mamlakatlarda taqiqlangan terrorchilik tashkilotlari
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala