iFly Airlines᾽ga O‘zbekistonga parvoz qilish vaqtincha taqiqlandi

© Sputnik / Maksim BlinovSamolyot iFly Airlines
Samolyot iFly Airlines - Sputnik O‘zbekiston, 1920, 09.11.2021
Obuna bo‘lish
Aviakompaniya ruxsatnoma olmasdan O‘zbekistondan Rossiyaga charter reyslarni amalga oshirmoqchi bo‘lgan. Yo‘lovchilar jadvalda yo‘q reysga chipta olishgan.
TOShKENT, 9 noya – Sputnik. Rossiyaning iFly Airlines aviakompaniyasiga O‘zbekistonga parvozlarni amalga oshirish uchun vaqtincha taqiq qo‘yildi. Bu haqda “O‘zaviatsiya” agentligi matbuot xizmati xabar bermoqda.
Ma’lum qilinishicha, iFly tegishli ruxsatnoma olmasdan va amaldagi qoidalarni qo‘pol buzib, O‘zbekiston va Rossiya shaharlari o‘rtasidagi charter reyslarga chipta sotishni tashkil etgan.
V aeroportu Tashkenta otkrilsya noviy zal vileta - Sputnik O‘zbekiston, 1920, 03.11.2021
Toshkent aeroportida yuzlab yo‘lovchilar Istanbulga ucha olishmadi – Uzbekistan Airports izohi
Noyabr oyida kompaniya Moskva – Urganch – Sankt-Peterburg – Urganch – Moskva, Navoiy – Moskva va Sankt-Peterburg – Navoiy – Sankt-Peterburg reyslariga chipta sotgan. Yo‘lovchilar ko‘rsatilgan vaqtda aeroportga kelishgan va bu reys jadvalda yo‘qligini ko‘rishgan.
Agentlik parvozning bajarilmasligi yo‘lovchilar o‘rtasida ijtimoiy keskinlikka olib kelganini ta’kidlagan.
“Aviakompaniyalar tomonidan bunday holatlar takrorlangan taqdirda “O‘zaviatsiya” agentligi parvozlarni amalga oshirish uchun berilgan ekpluatatsiya ruxsatnomalarni bekor qiladi”, - deyilgan xabarda.
Eslatib o‘tamiz, 5-noyabr kuni Urganchda, 8-noyabr kuni Navoiyda iFly Airlines᾽ning jadvalda bo‘lmagan reysiga chipta olganlar to‘plangan edi. Urganchdagi vaziyat hal qilingan va yo‘lovchilarni olib ketish Moskvadan samolyot jo‘natilgan edi. Navoiydagi yo‘lovchilarga esa chiptalar puli qaytarib berilishi va’da qilingan.
Aviachiptalarni sotib olish yoki sotishdan oldin "O‘zaviatsiya" agentligi saytida tanishib chiqish mumkin.
Yangiliklar lentasi
0