Jamiyat

Oʻtkir respirator kasalliklar nega bolalarda koʻp uchraydi?

Rebenok boleyet - Sputnik Oʻzbekiston, 1920, 10.11.2021
Oʻzbekistonda bolalar oʻrtasida OʻRKga chalinish yilning boshqa davrlariga nisbatan cezilarli koʻpaydi.
TOSHKENT, 10 noya – Sputnik. Shu kunlarda Oʻzbekistonda oʻtkir respirator infektsiyalarning mavsumiy koʻtarilish davri kuzatilmoqda. Ayniqsa, bogʻcha va maktab yoshidagi bolalar oʻrtasida xastalikka chalinish koʻrsatkichlari yilning boshqa davrlariga nisbatan cezilarli darajada oshgani qayd etilyapti.
Respublika ixtisoslashtirilgan pediatriya ilmiy-amaliy tibbiyot markazi boʻlim boshligʻi Dinora Doʻstmuhammedova oʻtkir respirator infektsiyalar bilan bogʻliq jarayonlar, umuman kasallikning kelib chiqish sabablari, tarqalishi va kechishi haqida maʼlumot berdi.
Mutaxassisning soʻzlariga koʻra, oʻtkir respirator kasalliklar (OʻRK) – havo-tomchi orqali yuqib, nafas yoʻllarining turli qismlari yalligʻlanishi va intoksikatsiya sindromi bilan kechadigan virusli xastaliklar guruhidir.
OʻRK bolalarda yuqumli kasalliklar umumiy sonining 90 foizini tashkil etib, ularning barchasi mavsumiy xarakterga ega. Yaʼni, bu xastaliklar yilning boshqa davrlariga nisbatan aynan kuz-qish mavsumida koʻp uchraydi. Bu guruhga bir necha kasalliklar, xususan, virusli – gripp, paragripp, adenovirus, rotavirus, enterovirus, shuningdek, bakterial– pnevmokokk, meningokokk, stafilokokk kabilar kiradi.
Shifokor kunlar sovib, havo biroz pasayishi bilan yosh bolalar oʻrtasida OʻRK nega koʻp uchrashiga toʻxtaldi.
“Boisi ayni shu paytda ularning immun tizimi sustlashib, kasallikka qarshi kurashuvchanligi sezilarli darajada pasayadi”, - deydi Dinora Doʻstmuhammedova.
Uning soʻzlariga koʻzlariga koʻra, ayrim ota-onalar farzandida kasallikning kataral – burun oqish, aksirish, yoʻtal, bosh ogʻrigʻi kabi belgilari kuzatilsa-da ularni bogʻcha yoki maktabga yuborishga monelik qilmaydi. Bu esa notoʻgʻri. Chunki bolalar bir-biri bilan oʻzaro muloqotda boʻlishi natijasida kasallikning keng tarqalishiga zamin yaratiladi.
OʻRK havo-tomchi orqali yuqishi sababli, virus tanachalari aksirganda yoki yoʻtalganda 2-3 metrgacha tarqalib, koʻpchilikni zararlaydi. Shu bois virusga chalingan bolani alohidalash va uni yakka tartibda davolash lozim.
Bu kasallikning kechishi bola organizmi, xususan, uning immun tizimi bilan bevosita bogʻliq. Ayrimlarda xastalik yengil darajada oʻtsa, baʼzilarda birmuncha ogʻirroq kechadi. Kasallik asosan tumov bilan boshlanadi.
Keyinchalik burun oqishi kuzatilib, dastlab shilliq, keyinchalik yashil boʻlib oqadi. Shuningdek, yoʻtal, tomoq qichishi, tana haroratining koʻtarilishi, katta bolalarda tomoq ogʻrishi, kichik yoshdagilarda esa tomoq qizarib, ovqat yeyishga qiynaladi.
Jamiyat
Saratonni davolashning samarali usuli topildi
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala