Siyosat

Behzod Musayev yangi sogʻliqni saqlash vaziri boʻldi

Bexzod Musayev - Sputnik Oʻzbekiston, 1920, 11.11.2021
U 2020 yil yozida bir muddat sogʻliqni saqlash vaziri vazifasini ham bajarib turgan edi.
TOSHKENT, 11 noya – Sputnik. Oʻzbekiston prezidentining tegishli farmoni bilan bosh vazir oʻrinbosari lavozimida ishlab kelgan Behzod Musayev sogʻliqni saqlash vaziri etib tayinlandi.
Behzod Musayev 1973 yilda tugʻilgan. 1995 yilda Toshkent davlat iqtisodiyot universitetini, 2004 yilda esa Oʻzbekiston prezidenti huzuridagi Davlat va jamiyat qurilishi akademiyasi qoshidagi Oliy biznes maktabini tamomlagan. Iqtisod fanlari nomzodi.
U mehnat faoliyatini 1995 yilda Oʻzbekiston Respublikasi Tashqi iqtisodiy faoliyat milliy bankida boshlagan. 1998-2002 yillarda Moliya vazirligida ijtimoiy sohani moliyalashtirish bosh boshqarmasi boshligʻi kabi masʼul lavozimlarda ishlagan.
Vaktsinatsiya preparatom Sputnik V - Sputnik Oʻzbekiston, 1920, 22.10.2021
Jamiyat
Yil oxiriga qadar aholining 80%ini emlashni maqsad qilganmiz - Musayev
2002 yilda Hisob palatasida faoliyat koʻrsatib, 2006-2010 yillarda Hisob palatasi raisi boʻlgan.
Musayev 2010 yilda Davlat soliq qoʻmitasidagi faoliyatini boshlagan. 2010-2011 yillarda va 2018 yilning martidan dekabrigacha boʻlgan muddatda DSQ raisining birinchi oʻrinbosari, 2018 yil dekabridan qoʻmita raisi lavozimlarida ishlagan.
2020 yilning mayida Bosh vazirning ijtimoiy rivojlantirish masalalari boʻyicha oʻrinbosari lavozimiga tayinlangan. 2020 yil yozida bir muddat Sogʻliqni saqlash vaziri vazifasini ham bajarib turgan.
Avvalgi sogʻliqni saqlash vaziri Abduhakim Xadjibayev Oʻzbekiston kasaba uyushmalari Federatsiyasiga oʻtishi kutilmoqda.
Avvalroq Qonunchilik palatasida deputatlar Behzod Musayevni sogʻliqni saqlash vaziri lavozimiga maʼqullashgani xabar qilingan edi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala