Siyosat

Shavkat Mirziyoyev Turkiy Kengashda nimalarni taklif qildi

© Press-slujba prezidenta UzbekistanaZdaniye sekretariata Tyurkskogo Soveta v Stambule
Zdaniye sekretariata Tyurkskogo Soveta v Stambule  - Sputnik Oʻzbekiston, 1920, 12.11.2021
Oʻzbekiston prezidenti Turkiy Kengash aʼzolarini Afgʻoniston yangi hukumatiga yakdil munosabatda boʻlishga chaqirdi.
TOSHKENT, 12 noya – Sputnik. Oʻzbekiston prezidenti Istanbulda boʻlib oʻtayotgan Turkiy kengash sammitida nutq soʻzladi. Oʻz nutqida Shavkat Mirziyoyev Turkiy Kengash nomini oʻzgartirishni qoʻllab-quvvatladi.
“Aminmanki, bugun qabul qilinayotgan qarorga binoan Turkiy Kengash nomi "Turkiy davlatlar tashkiloti" deb oʻzgartirilishi hamkorligimizni yanada rivojlantirish uchun mustahkam zamin yaratadi", - dedi prezident.
Shuningdek Shavkat Mirziyoyev Tashkilot doirasida quyidagi tashabbuslarni ilgari surdi:
oʻzaro qulay savdo sharoitlarni yaratish;
transport sohasidagi oʻzaro bogʻliqliq dasturini ishlab chiqish;
“Injiniring va texnologiyalar markazlari”ni tashkil etish;
kelgusi yili Oʻzbekistonda “Turkiy davlatlar sanoat haftaligi”ni oʻtkazish.
“Turkiy dunyo turizmi” va “Tabarruk ziyorat” sayyohlik loyihalarini amalga oshirish va boshqalar.
Undan tashqari Oʻzbekiston prezidenti Afgʻonistonni yakkalab qoʻymaslik, uning terrorchilar makoniga aylanmasligiga yoʻl qoʻymaslik oʻta muhim ekanini taʼkidladi.
“Ushbu mamlakatning gumanitar inqirozga tushib, xalqaro maydonda yakkalanib qolishiga, uning terrorchilar makoniǵa aylanishiga yoʻl qoʻymaslik nihoyatda dolzarbdir. Afgʻonistonning yangi Hukumati bilan muloqotlarda yondashuvlarimiz umumiy va yakdil boʻlishi lozim", - dedi Shavkat Mirziyoyev.
Eslatib oʻtamiz, Turkiy tilli davlatlar hamkorlik kengashi 2009 yilda ushbu tuzilmaga aʼzo mamlakatlar oʻrtasidagi munosabatlarni har tomonlama mustahkamlash maqsadida tuzilgan edi. Bugungi kunda Kengashga Oʻzbekiston, Turkiya, Ozarbayjon, Qozogʻiston va Qirgʻiziston aʼzo. Oʻzbekiston tashkilotga 2019 yilda qoʻshildi. Vengriya Turkiy kengashda kuzatuvchi maqomiga ega.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala