Jamiyat

Shifokor qandli diabetga qarshi kurashning asosiy qoidalarini sanab oʻtdi

CC0 / pixabay / Vrach skoroy pomoщi
Vrach skoroy pomoщi - Sputnik Oʻzbekiston, 1920, 15.11.2021
Diabetga chalingan bemor sutka davomida qondagi qand miqdorini doimo toʻliq saqlashi kerak, aks holda kasallikning ogʻir asoratlariga duch kelishi mumkin.
TOSHKENT, 15 noya – Sputnik. Qandli diabet Oʻzbekiston aholisi orasida ham keng tarqalgan kasalliklardan biri. Respublika endokrinologiya markazi diabetologiya boʻlimi shifokori, tibbiyot fanlari nomzodi Feruza Tohirova ushbu kasallikning xavfli oqibatlarini oldini olish borasida tavsiyalarini berdi.
Shifokor aytishiga koʻra, Oʻzbekistonda koʻproq qandli diabetning 2-turi tarqalgan va uning oldini olsa boʻladi. Buning uchun bemor, avvalambor, endokrinolog nazoratida boʻlishi lozim.
Ehtiyoj boʻlganda kardiolog, nevropatolog, nefrolog, xirurg mutaxassislari bilan maslahatlashgan holda davolanish choralarini koʻrishi kerak.
- Qandli diabetga chalingan bemorlar qondagi qand miqdori sutka davomida doimo toʻliq meʼyorida yursagina qandli diabetning asoratlarining oldini olish yoki kechiktirish mumkin, - deydi shifokor. - Aks holda statsionar davolanish ham bu kasallikda yordam bera olmaydi.
Bemor yilda ikki marotaba tibbiy koʻrikdan oʻtishi, umumiy qon, umumiy peshob va biokimik tahlillarni oʻz vaqtida oʻtkazishi zarur.
Undan tashqari qandli diabetga chalingan bemor doimiy ravishda quyidagi qoidalarga amal qilishi kerak:
parhezda boʻlishi,
qand miqdorini pasaytiruvchi vositalarni isteʼmol qilib borishi,
jismoniy faollikni oshirishi zarur.
Diabetga chalingan kishilarda yoshidan qatʼi nazar, u yoki bu darajada jismoniy yuklama boʻlishi lozim, - deydi shifokor.
Shifokor aytishiga koʻra, sogʻlom odamlar ham har uch yilda bir marotaba oʻzlarini diabetga tekshirishlari kerak. Diabet kasali xavf guruhida boʻlganlar esa - yilda bir marta.
Maʼlumot uchun, 14 noyabr — Xalqaro diabetga qarshi kurash kuni. Ushbu kasallik Oʻzbekistonda eng keng tarqalgan kasalliklardan biri hisoblanadi. Uning asosiy sababi sogʻlom turmush tarziga rioya qilmaslik hisoblanadi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala