Jamiyat

Putin Rossiya va Oʻzbekistonning taʼlim sohasidagi hamkorligi muvaffaqiyatini qayd etdi

© Sputnik / Sergey Ilin / Fotobankka oʻtishPrezident RF Vladimir Putin
Prezident RF Vladimir Putin - Sputnik Oʻzbekiston, 1920, 16.11.2021
Rossiya yetakchisi ikki mamlakatning taʼlim sohasidagi samarali hamkorligi ikki tomonlama munosabatlari rivojlanishiga koʻmaklashishini taʼkidladi.
TOSHKENT, 16 noya – Sputnik. Rossiya prezidenti Vladimir Putin Rossiya va Oʻzbekiston oʻrtasidagi olib borilayotgan taʼlim sohasidagi hamkorlikka yuqori baho berdi. Bu haqda uning Rossiya-Oʻzbekiston ikkinchi taʼlim forumi ishtirokchilariga yoʻllagan tabrigida maʼlum qilindi.
“Mamlakatlarimizning taʼlim sohasidagi samarali hamkorligi, shubhasiz, strategik hamkorlik va ittifoqchilikning ikki tomonlama munosabatlari rivojlanishiga koʻmaklashadi. Asosiysi, bu yoʻnalishdagi birgalikdagi ishlar, koronavirus pandemiyasi sabab yuzaga kelgan maʼlum boʻlgan cheklovlarga qaramasdan, gʻoyat faol va samarali olib borilmoqda”, - deyilgan tabrikda.
Putin Oʻzbekistonda tez orada Rossiya oliygohlarining oʻn beshinchi filiali ochilishi, joriy yilda Rossiyadagi oʻzbekistonlik talabalar soni 43 mingdan oshganini qayd etgan.
Rossiya rahbari forum ishtirokchilari tashabbuslari va gʻoyalariga amalda talab yuqori boʻlishi va mamlakatlar oʻrtasidagi doʻstlik aloqalarini mustahkamlashga xizmat qilishiga ishonch bildirgan.
16-17 noyabr kunlari Moskva shahrida Rossiya-Oʻzbekiston ikkinchi taʼlim forumi boʻlib oʻtmoqda. Forumda ikki davlat taʼlim sohasidagi oʻzaro hamkorlik borasida qator ikki tomonlama uchrashuvlar oʻtkazilishi koʻzda tutilgan.
Eslatib oʻtamiz, Rossiya-Oʻzbekiston birinchi taʼlim forumi 2018 yil 18-19 oktyabr kunlari Toshkent shahrida oʻtkazilgan edi. Forum yakunlari boʻyicha 130 ga yaqin bitim imzolangan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala