Jamiyat

Oʻzbekistonda emlanmaganlar ishdan chetlatilib, ish beruvchilar jarimaga tortilmoqda

© Pexels / Artem PodrezAmpula s vaktsinoy, illyustrativnoye foto
Ampula s vaktsinoy, illyustrativnoye foto - Sputnik Oʻzbekiston, 1920, 18.11.2021
Shu kungacha vaktsina olmagan 26 ming xodim ishdan vaqtinchalik chetlatilgan. 2 225 ta holatda ish beruvchiga nisbatan jarima qoʻllanilgan.
TOSHKENT, 18 noya – Sputnik. Oʻzbekistonda byudjet tashkilotlari va tadbirkorlik subʼyektlarida koronavirusga qarshi emlanishi shart etib belgilangan, biroq vaktsina olishdan bosh tortgan xodimlar ishdan chetlatilmoqda.
Joriy yilning oʻtgan davri mobaynida Sanitariya-epidemiologik osoyishtalik va jamoat salomatligi xizmati emlanishga rioya qilinishi yuzasidan 27 923 ta tekshirish oʻtkazgan.
Shundan 7 905 tasi xoʻjalik yurituvchi subʼyektlarda, 20 018 tasi esa byudjet tashkilotlarida oʻtkazilgan.
Tekshirishlar davomida jami 50 056 nafar vaktsina olmagan shaxslar aniqlangan. Ulardan 11 244 nafari xoʻjalik yurituvchi subʼyektlar, 38 812 nafari byudjet tashkilotlari xodimlari.
Maʼlum qilinishicha, vaktsina olmagan 26 008 nafar shaxslar ishdan vaqtinchalik chetlatilgan. 2 225 ta holatda ish beruvchiga nisbatan jarima qoʻllanilgan. 175 ta obʼyekt faoliyati esa vaqtinchalik toʻxtatilgan.
“Albatta, bu kabi olib borilayotgan chora-tadbirlardan koʻzlangan maqsad aholi salomatligini himoya qilish, pandemiyani yengishga qaratilmoqda”, - deyilgan Sanitariya-epidemiologiya xizmati xabarida.
Vaktsinatsiya v Tashkente - Sputnik Oʻzbekiston, 1920, 18.11.2021
Jamiyat
Toshkent viloyatida emlanmagan qariyb 3,3 ming xodim ishdan chetlatildi
Oʻzbekistonda iyul oyida 18 yoshdan oshgan 14 ta toifadagi fuqarolar koronavirusga qarshi emlanishi shart etib belgilangan edi.
2 avgust kuni prezident Shavkat Mirziyoyev imzolagan qonun bilan Mehnat kodeksiga xodim emlanishdan bosh tortgan holda ish beruvchi uni vaqtincha ishdan chetlatishi mumkinligi haqida oʻzgartish kiritilgan edi.
Soʻnggi maʼlumotlarga koʻra, mamlakatda jami 30,5 million dozadan ortiq vaktsinadan foydalanilgan. Emlanishi kerak boʻlganlarning 74,6 foizi vaktsinaning kamida birinchi dozasini olgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala