Migratsiya

Rossiyada vafot etgan quruvchi oilasiga kompensatsiya undirib berildi

CC0 / Unsplash / Guilherme Cunha / Rabochiye na stroyaщemsya obʼyekte
Rabochiye na stroyaщemsya obʼyekte - Sputnik Oʻzbekiston, 1920, 20.11.2021
Tashqi mehnat migratsiyasi agentligi Rossiyada vafot etgan mehnat migrantiga ish beruvchidan kompensatsiya undirib berdi.
TOSHKENT, 20 noya - Sputnik. Rossiyada vafot etgan oʻzbekistonlik mehnat migrantining oilasiga 1 mln rubldan ortiq mablagʻ undirib berildi, deb xabar qilmoqda Tashqi mehnat migratsiyasi agentligi.
1994 yilda tugʻilgan Oʻzbekiston fuqarosi B.Yusupov Rossiyaning “MONOTEK STROY” MCHJda ish boshlaganidan 2 oy 5 kun oʻtib, 2020 yil 21 sentyabr kuni ishlab chiqarishdagi baxtsiz hodisa oqibatida vafot etadi.
Tashqi mehnat migratsiyasi agentligi tomonidan rossiyalik yuristlar jamoasi jalb etilib, uzoq davom etgan jarayonlardan soʻng ish beruvchidan 1 mln 161 ming rubl (15 774 AQSH dollari) mablagʻ toʻlab berish boʻyicha ish beruvchi bilan yuridik kelishuvga erishildi.
Shuningdek, Rossiya qonunchiligiga muvofiq, marhumning oilasiga jabrlanuvchining ish joyida baxtsiz hodisa oqibatida vafot etgani munosabati bilan 1 mln rubl atrofida kompensatsiya berilishi ham koʻzda tutilgan.
Marhumning Xorazm viloyatida ota-onasi bilan birga yashovchi 1995 yilda tugʻilgan turmush oʻrtogʻi va 2019 yilda tugʻilgan qizi qolgan.
Hozirgi vaqtda Rossiya Federatsiyasi Ijtimoiy sugʻurta jamgʻarmasidan ushbu mablagʻni undirish va marhumning voyaga yetmagan qiziga 18 yoshga toʻlgunga qadar nafaqa tayinlash masalasi hal qilinmoqda.
Bugungi kunda bir milliondan ortiq oʻzbekistonliklar Rossiyada vaqtinchalik mehnat faoliyati olib borishmoqda. Ularning aksariyati qurilish va xizmat koʻrsatish sohalarida faoliyat yuritmoqda.
Afsuski, ish jarayonida turli baxtsiz holatlar yuz berishi va baʼzan bu oʻlim bilan ham tugashi mumkin. Ammo, ish joyidagi oʻlim yoki shikastlanish ish beruvchining aybi bilan sodir boʻlsa, marhumning qarindoshlari kompensatsiya olish huquqiga ega ekanidan koʻpchilik xabardor emas.
Xorijda baxtsizlik yuz berganda, huquqiy himoya kerak boʻlganda yoki ogʻir vaziyatga tushib qolganingizda Tashqi mehnat migratsiyasi agentligining xorijiy boʻlinmalariga murojaat qilishingiz mumkin. Bugungi kunda ular Rossiyada 18 ta, Qozogʻistonda 4 ta, Turkiyada 3 ta advokatlik tashkilotlariga bilan hamkorlik shartnomasi imzolagan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala