Jamiyat

Astma, angina va pnevmoniyani qanday farqlash mumkin

© SS0 / Unsplash / Diana PolekhinaNosovыe platki i sprey dlya nosa
Nosovыe platki i sprey dlya nosa - Sputnik Oʻzbekiston, 1920, 29.11.2021
Mutaxassis angina (bodomcha bezi) va pnevmoniyaning oʻxshash va farqli jihatlari haqida batafsil maʼlumot berdi.
TOSHKENT, 28 noya — Sputnik. Respublika ixtisoslashtirilgan ftiziatriya va pulmonologiya ilmiy-amaliy tibbiyot markazi bosh shifokori Nodir Sotvoldiyev bronxial astma, angina (bodomcha bezi) va pnevmoniyaning oʻxshash va farqli jihatlari haqida maʼlumot berdi.
Mutaxassisning soʻzlariga koʻra, ushbu kasalliklarning oʻxshash tomoni shundaki, uch holatda ham yoʻtal va isitma kuzatiladi. U bu kasalliklarning farqli jihatlarini sanab oʻtdi.
Bronxial astma — bu surunkali infektsion, yaʼni allergik kasallik boʻlib, nafas yoʻllarining siqilishi bilan kechadi. Bemorda ilk klinik belgilar – yoʻtal, tomoq qichishi, havo yetishmaslik belgilari kuzatiladi. Ogʻir holatlarda esa nafas siqishi mumkin.
Yoʻtal va nafas siqishi, asosan, tunda bezovta qiladi. Kasallik koʻpincha oʻtkir hidli qoʻzgʻatuvchilar, ovqatdan keyingi allergik reaktsiyalar, yuqumli virusli infektsiyalar va boshqa holatlardan keyin xuruj qiladi. Xastalikning kuchaygan shakli faqatgina statsionar sharoitda davolanadi.
Pnevmoniya — bu oʻtkir virus-bakterial qoʻzgʻatuvchilar sababli rivojlanuvchi respirator kasallik boʻlib, oʻpka toʻqimasi maʼlum qismlarining yalligʻlanishi hisoblanadi. Kasallik tana haroratining koʻtarilishi, tumov, quruq yoʻtal kabi belgilar bilan boshlanishi mumkin.
Pandemiya davrida virusli pnevmoniya belgilari juda koʻp uchramoqda. Bu kasallikning tashxisi tasdiqlanganidan soʻng ogʻir ahvoldagi bemorlar statsionar sharoitda davolanishlari shart.
Angina — oʻtkir virus-bakterial etiologiyali yuqumli kasallik hisoblanadi. Xastalik bemorda tana harorati 38-39 darajagacha koʻtarilishi, yutinishga qiynalish, tomoq va tanadagi kuchli ogʻriqlar bilan boshlanishi mumkin.
Yuqoridagi kasalliklar barcha yoshdagi aholi orasida uchraydi.

Kasalliklarning kelib chiqish sabablari

Angina oʻtkir infektsion kasallik boʻlgani uchun uni mikroblar qoʻzgʻatadi. Mikroblar halqumga aksariyat hollarda bu kasallikka chalingan bemor foydalangan uy-roʻzgʻor buyumlaridan tushadi. Koʻpincha halqumda boʻladigan va odatda, kasallik qoʻzgʻatmaydigan mikroblar ayrim noxush omillar taʼsirida, masalan, kishi sovqotganda yoki harorat oʻzgarganda kasallik qoʻzgʻatishi mumkin.
Baʼzan oyoqning hoʻl boʻlishi, muzqaymoq yeyish, sovuq suv ichish, muzdek suvda choʻmilish va boshqa hollarda angina bilan ogʻrish kuzatiladi. Halqumga muntazam tushib turadigan tutun, chang, spirtli ichimliklar, shuningdek, burun orqali nafas olishni qiyinlashtiradigan adenoidlar va burun-xalqumning boshqa kasalliklari anginaga sabab boʻlishi mumkin.
Burun va yondosh boʻshliqlarining yalligʻlanishi hamda ogʻiz boʻshligʻidagi yiringli yalligʻlanishlar ham anginaga sabab boʻladi. Kasallik toʻsatdan boshlanadi. Bemorda madorsizlik, bosh ogʻrigʻi, tomoq qaqrab ogʻrishi, achishishi, yutinganda ogʻriq kuzatiladi. Kasallik bilan tez-tez ogʻrish natijasida murtak bezlari surunkali yalligʻlanadigan boʻlib qoladi.
Rebenok s gradusnikom, illyustrativnoye foto - Sputnik Oʻzbekiston, 1920, 25.11.2021
Jamiyat
Farzandi OʻRVI bilan kasallangan ota-onalar eng koʻp qaysi xatoga yoʻl qoʻyishadi
Bronxial astma yuzaga kelishining asosiy sabablaridan biri allergenlar hisoblanadi. Allergenlar toʻrt asosiy guruhga boʻlinadi: oziq-ovqatlarda uchrovchi; uy-roʻzgʻor buyumlarida uchrovchi allergenlar; epidermal allergenlar (uy hayvonlarining yungi va ularning hayot faoliyati jarayonidagi mahsulotlarida uchraydigan), oʻsimlik allergenlari.
Sovuq havo, virusli infektsiya, jismoniy zoʻriqish, ruhiy tushkunlik, oʻtkir hidlar — bular allergen hisoblanmaydi. Ammo shunday boʻlsa-da, ular astma hurujini keltirib chiqarishi mumkin. Bronxial astma bilan ogʻrigan bemorda sezgirlik kuchli boʻladi.
Hatto oddiy koʻringan kir yuvish kukunidan foydalanish ham astma xurujining kelib chiqishi uchun yetarli asos boʻladi. Xastalik kelib chiqish sabablari orasida nasliy moyillik ham bor.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala