Iqtisod

Yangi “Gazli-Kogon” quvuri qoʻshimcha 25 mln m3 gaz yetkazib beradi

© Sputnik / Aleksandr KryajevRabochiye vedut montaj novыx trub na uchastke magistralnoy teplovoy seti
Rabochiye vedut montaj novыx trub na uchastke magistralnoy teplovoy seti  - Sputnik Oʻzbekiston, 1920, 29.11.2021
Uzunligi 140 km ga teng yangi "Gazli-Kogon" gaz quvuri Toshkent, Jizzax, Sirdaryo va Fargʻona vodiysiga sutkasiga qoʻshimcha 25 mln m3 gaz yetkazib beradi.
TOSHKENT, 29 noya—Sputnik. Oʻzbekiston hukumati “Gazli-Kogon” gaz quvurlari toʻrtinchi tarmogʻi kurilishi boshlandi, deb xabar qilmoqda Energetika vazirligi matbuot xizmati.
Umumiy uzunligi 140 km boʻlgan yangi gaz quvuri tabiiy gazni Respublika shimolidan Jizzax, Sirdaryo, Toshkent viloyati hamda Fargʻona vodiysiga gaz yetkazib berish uchun xizmat qiladi. U ishga tushganidan soʻng tarmoqning gaz oʻtkazuvchanlik quvvati sutkasiga qoʻshimcha 25 mln. kub metrga oshadi.
Ayni damda “Gazli-Kogon” gaz quvurining toʻrtinchi tarmogʻida 100 km lik masofadagi qurilish-montaj ishlari tugallangan. Obʼyektda 200 dan ortiq xodim faoliyat yuritmoqda, shuningdek, 80 ta maxsus texnika jalb qilingan.
Eslatib oʻtamiz, Oʻzbekistonda 2021-2022 yillarda magistral gaz uzatish tizimini modernizatsiya qilish va samaradorligini oshirish dasturi amalga oshirilmoqda. Unga muvofiq, Respublika boʻyicha 315 km magistral gaz quvuri qurilmoqda.
Jumladan, “Gazli-Kogon” magistral gaz quvuri boʻylab yangi, uzunligi 140 km, “Yangiyer-Ohangaron” gaz quvurida 95 km.ga teng, Oʻrta Osiyoni Markaz bilan bogʻlaydigan “SATS 2” boʻylab 80 km quvurlarini qurish rejalashtirilgan. Shuningdek, dastur doirasida 196 km uzunlikdagi magistral gaz quvurlari rekonstruktsiya qilinadi hamda kapital taʼmirlanadi.
Aytish joizki, ayni damda "Gazli-Kogon" yoʻnalishida 3 ta tarmoq faoliyat yuritmoqda. Birinchi va ikkinchi tarmoqlar 1973-1983 yillarda ishga tushirilgan boʻlsa, uchinchi tarmoq 2006 yilda faoliyatini boshlagan. Vazirlik maʼlumotlariga koʻra, bir sutkada mazkur magistral gaz quvuri boʻylab 35 mln kubometr tabiiy gaz yetkazib beriladi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala