Sport

Oʻzbekiston dzyudochilari Abu-Dabidagi turnirda 2ta medal qoʻlga kiritdi

© Press-slujba NOK UzbekistanaDzyudoist Davlat Bobonov
Dzyudoist Davlat Bobonov - Sputnik Oʻzbekiston, 1920, 29.11.2021
Abu-Dabidagi “Katta Dubulgʻa” turnirini oʻzbekistonlik dzyudochilari 2ta medal bilan yakunladi.
TOSHKENT, 29 noya — Sputnik. Abu-Dabida boʻlib oʻtgan “Katta Dubulgʻa” turnirida oʻzbekistonlik dzyudochilari 2ta medalni qoʻlga kiritdi.
-73 kg vazn toifasida dzyudochi Hikmatilloh Toʻrayev musobaqaning kumush medali bilan taqdirlandi. Hikmatilloh musobaqadagi ishtirokini ikkinchi davradan boshladi va saudiyalik Abdulloh Hamadni ippon bahosi bilan taslim qildi.
Xikmatillo Turayev  - Sputnik Oʻzbekiston, 1920, 29.11.2021
Xikmatillo Turayev
U chorak finalda tojikistonlik Somon Mahmadbekovni ham ippon bahosi bilan magʻlub etdi. Toʻrayev final chiptasi uchun kechgan bellashuvda London-2012 Olimpiadasining oltin, Rio-2016da kumush hamda Tokio-2020 Olimpiya oʻyinlarida bronza medaliga sazovor boʻlgan gruziyalik Lasha Shavdatuashvilidan ustun keldi. Bahs deyarli 10 daqiqa davom etdi.
Biroq, Toʻrayev oltin medal uchun kechgan final bahsida moʻgʻulistonlik Tsogtbaatar Tsend-Ochirga imkoniyatni boy berdi. Natijada Toʻrayev Abu-Dabi “Katta Dubulgʻa” turnirining kumush medali hamda 700 reyting ochkosiga ega boʻldi.
Kechagi bahslarda tatamiga chiqqan sportchilardan birgina Tokio-2020 Olimpiadasi sovrindori Davlat Bobonov muvaffaqiyatli ishtirok yetdi. U avvaliga ¼ finalda tojikistonlik Jahongir Majidovni qoʻshimcha daqiqalarda ippon bahosi evaziga magʻlubiyatga uchratdi. Biroq, Bobonov yarim finalda rossiyalik Mansur Lorsanovga qarshi tatamiga chiqdi va qoʻshimcha daqiqalardagi vazari evaziga imkoniyatni boy berdi.
© AFP / JACK GUEZDzyudoist Davlat Bobonov zavoyeval bronzovuyu medal na Olimpiyskix igrax v Tokio-2020
Dzyudoist Davlat Bobonov zavoyeval bronzovuyu medal na Olimpiyskix igrax v Tokio-2020 - Sputnik Oʻzbekiston, 1920, 29.11.2021
Dzyudoist Davlat Bobonov zavoyeval bronzovuyu medal na Olimpiyskix igrax v Tokio-2020
Bronza medali uchun kechgan bahsda esa Davlat frantsiyalik Fransis Damiyerga qarshi tatamiga chiqdi va raqibini ippon bahosi bilan magʻlubiyatga uchratdi. Bu gʻalaba evaziga Bobonov bronza medali bilan birga 500 reyting ochkosini ham qoʻlga kiritdi.
Shu tariqa, dzyudo boʻyicha mavsumning soʻnggi turnirida Oʻzbekiston terma jamoa aʼzolari bittadan kumush va bronza medaliga sazovor boʻlishdi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala