Madaniyat

Oʻzbek filmi Rossiyadagi kinofestivalning bosh sovriniga sazovor boʻldi

© AFP / ZAC BAILLIEJenщina s kolyaskoy na pritsele, Siriya
Jenщina s kolyaskoy na pritsele, Siriya - Sputnik Oʻzbekiston, 1920, 30.11.2021
“Tutqunlik” filmi real voqealarga asoslangan boʻlib, unda Yaqin Sharqdagi urush oʻchogʻidan oʻzbekistonliklarni qaytarilishi aks ettirilgan.
TOSHKENT, 30 noya – Sputnik. “Tutqunlik” badiiy filmi Rossiyada boʻlib oʻtgan “Volokolamskiy rubej” harbiy-vatanparvarlik kinofestivalida “Gran-pri” bosh sovrini qoʻlga kiritdi. Bu haqda Oʻzbekiston Kinematografiya agentligi axborot xizmati xabar berdi.
Film Rashid Malikov rejissyorligida suratga olingan.
“Tutqunlik” filmi real voqealarga asoslangan boʻlib, unda Yaqin Sharqdagi urush oʻchogʻidan oʻzbekistonliklarni qaytarilishi aks ettirilgan. 2019-2020 yillar oʻtkazilgan mazkur “Mehr” operatsiyasi prezident Shavkat Mirziyoyev tashabbusi bilan tashkil etilgan.
“Film gʻoyasi 2020 yilning yoz oylarida tugʻildi. “Mehr” operatsiyasi bu ulkan insonparvarlik harakatlari boʻlib, uni insonlarga koʻrsatish lozim”, - deydi film rejissyori Rashid Malikov.
“Tutqunlik” kinokartinasi yaqinda Turkiyaning “Korkut Ata” xalqaro kinofestivalida ham ishtirok etib, hakamlar hayʼatining maxsus sovriniga sazovor boʻlgan edi.
“Volokolamskiy rubej” kinofestivali 2004 yildan buyon Ikkinchi jahon urushida katta jang maydoniga aylangan Rossiyaning qadimiy Volokalamsk shahrida oʻtkazilib kelinadi. Unda harbiy-vatanparvarlik mavzusida suratga olingan badiiy va hujjatli filmlar saralab olinadi.
Eslatib oʻtamiz, 2019 yilda may oyida “Mehr-1” insonparvarlik operatsiyasi doirasida 156 nafar oʻzbekistonlik, asosan, ayollar va bolalar Suriyadan qaytarilgan edi. Keyinchalik “Mehr-2" operatsiyasi amalga oshirilib, Iroqdan 64 nafar oʻzbekistonlik bola mamlakatga olib kelindi. Oʻtgan yil dekabr oyida “Mehr-3” doirasida yana 98 nafar oʻzbekistonlik ayollar va bolalar Vatanga qaytarildi. Aprel oxiridagi “Mehr-5” doirasida esa Yaqin Sharq va Afgʻonistonning notinch hududlardan 93 nafar ayollar va bolalar olib kelindi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala