Jamiyat

Haydovchilarga quloqchin orqali telefondan foydalanishga ruxsat berildi

© Unsplash / why keiVoditel za rulem avto
Voditel za rulem avto - Sputnik Oʻzbekiston, 1920, 01.12.2021
Oʻzbekistonda endi haydovchilar telefondan quloqchinlar orqali va qoʻllarini ishlatmasdan gaplashish imkonini beradigan uskunalar orqali foydalanishi mumkin.
TOSHKENT, 1 dek – Sputnik. Oʻzbekistonda haydovchilarga telefondan quloqchin (naushniki) orqali va qoʻllarini ishlatmasdan gaplashish imkonini beradigan uskunalar orqali foydalanishga ruxsat berildi. Bu prezident Shavkat Mirziyoyev 30 noyabr kuni imzolagan qonunda koʻzda tutilgan.
Maʼmuriy javobgarlik toʻgʻrisidagi kodeksiga kiritilgan oʻzgartirishlarga koʻra, endi haydovchilar transportni boshqarishda telefondan quloqchinlar orqali va qoʻllarini ishlatmasdan gaplashish imkonini beradigan uskunalar orqali foydalanishi mumkin.
Haydovchilar belgilangan tezlikni oshirib yuborganida qayd etilgan tezlikdan 5 km chegirib tashlab jazo qoʻllaniladi.
Haydovchi yonida pasporti yoki ID-kartasi boʻlganida transportni boshqarish, roʻyxatdan oʻtkazganlikka oid hujjatlarni, ishonchnomani, sugʻurtani yonida olib yurishi talab etilmaydi (mazkur tartib 2022 yil 1 martdan kuchga kiradi).
Shuningdek, transport salonining old qismiga monitor (displey) oʻrnatganlik uchun javobgarlik bekor qilindi.
Avtomobilda yoʻlovchilarni litsenziyasiz tashiganlik uchun fuqarolarga jarima BHMning 30 baravari etib belgilandi (ilgari BHMning 20 baravaridan 100 baravarigacha edi).
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala