Jamiyat

Oʻzbekistonda OIV bilan kasallanish vaziyati qanday

© Sputnik / Maksim Bogodvid / Fotobankka oʻtishEkspress-testirovaniye na VICH v Kazani
Ekspress-testirovaniye na VICH v Kazani - Sputnik Oʻzbekiston, 1920, 01.12.2021
Oʻzbekistonda hozir 40 mingdan ziyod kishi OIV kasalligiga chalingan.
TOSHKENT, 1 dek – Sputnik. 1 dekabr – Xalqaro orttirilgan immunitet tanqisligi sindromi (OITS)ga qarshi kurashish kuni. Shu kuni respublika OITSga qarshi kurashish markazi Sputnik nashriga statistika maʼlumotlarini taqdim etdi. Unga koʻra, Oʻzbekistonda rasman 42 425 nafar fuqaro odamning immunitet tanqisligi virusi (OIV)ga chalingan deya roʻyxatga olingan. Ulardan 57,5 foizi erkaklar, 42,5 foizi esa ayollar.
Oʻzbekistonda OIV kasalligining tarqalishi bilan bogʻliq vaziyatni barqarorlashtirishga erishilgan, biroq yangi kasallanganlar soni jadal boʻlmasa ham koʻpaymoqda, deydi markaz ekspertlari.
OIV bilan kasallanish boʻyicha oʻtkazilgan tadqiqotlar shuni koʻrsatdiki, 1 692 ta (42,5%) kasallanish- jinsiy aloqa yoʻli bilan, 18,2% - qon orqali, onadan bolaga yuqishi bilan esa 0,3% holat kuzatilgan.
Kasallik bilan kurashish maqsadida Oʻzbekistonda immunitet yetishmasligi profilaktikasi va diagnostikasi boʻyicha chora-tadbirlar amalga oshirilmoqda. Masalan, 2013 yildan buyon markazda multidistsiplinar guruhlar ishlab kelyapti. Ularning maqsadi- OIV kasalligi bilan chalingan insonlarga psixologik va ijtimoiy koʻmak berish.
Pribыtiye poyezda Tashkent-Moskva - Sputnik Oʻzbekiston, 1920, 03.07.2019
Jamiyat
Uzoq vaqt xorijda boʻlib qaytgan oʻzbekistonliklar OIVga tibbiy tekshiruvdan oʻtadi
Bundan tashqari, mazkur yilning bahor oyida, Oʻzbekiston Sogʻliqni Saqlash vazirligi mobil klinika va mobil laboratoriyani ishga tushirdi. Ular zamonaviy tibbiy jihozlar,ventilyatsiya hamda issiqliq tizimi bilan taʼminlangan. Ularda profilaktik koʻrikdan oʻtish, test topshirish hamda diagnostikani amalga oshirish mumkin.
Darvoqe, mobil klinika KAMAZ bazasida ishga tushirilgan va Oʻzbekistonga tuhfa qilingan. OIVga qarshi kurashish markazi maʼlumotiga koʻra, loyiha Rossiya hukumati tomonidan moliyalashtirilgan.
Maslahatlashuv jarayonida shaxsning ixtiyoriyligi va maxfiyligi taʼminlanadi. Bemorlar anonim tarzda roʻyxatga olinadi – koʻrikdan oʻtgan odam maxsus identifikatsiya kodini oladi.
Mobil modullarning joriy etilishi aholinig OIVga qarshi maslahat va test xizmatlaridan foydalanish darajasini oshirish imkonini berdi. Bu, oʻz navbatida, nafaqat kasallikni tez aniqlashga, balki markaz tomonidan oʻz vaqtida xizmat koʻrsatishga yordam beradi- deydi markaz ekspertlari
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala