Jamiyat

Bolalarda OʻRVI nega qaytalaydi

© Pixabay / Meditsinskiy gradusnik i zaщitnaya maska, arxivnoye foto
Meditsinskiy gradusnik i zaщitnaya maska, arxivnoye foto - Sputnik Oʻzbekiston, 1920, 06.12.2021
Shifokor kichik yoshdagi oʻgʻil-qizlarning yiliga 3-4 marta bunday virusli kasalliklar bilan ogʻrishi normal holat ekanini qayd etdi.
TOSHKENT, 6 dek — Sputnik. Toshkent pediatriya tibbiyot instituti kafedra mudiri Nigora Aliyeva bolalarda uchraydigan va qaytalaydigan oʻtkir respirator virusli infektsiya (OʻRVI) kasalligi haqida maʼlumot berdi.
SSV maʼlumotlariga koʻra, mamlakatda OʻRVI 5 yoshgacha boʻlgan bolalarda koʻp uchramoqda. Ular orasida chaqaloqlar ham kam emas.
Shifokorning soʻzlariga koʻra, bola toʻgʻri ovqatlanishi, oʻz vaqtida uxlashi, jismoniy chiniqishi lozim. Shundagina immunitet mustahkamlanadi.
Masalan, 1 yoshgacha boʻlgan bolalar oʻzlari mustaqil ravishda jismoniy mashqlarni bajara olmaydi. Demak, ota-onalari, tarbiyalovchilari ularni chiniqtirishi zarur. Turli uqalash muolajalari, yaʼni massaj ham bu jarayonda juda foydali. Bolaning tanasida qon aylanish tizimi faoliyatini yaxshilaydi.
Aliyeva kichik yoshdagi oʻgʻil-qizlarning yiliga 3-4 marta bunday virusli kasalliklar bilan ogʻrishi normal holat ekanini qayd etdi. Ammo kasallikka chalinish soni emas, tuzalish muddatiga eʼtibor qaratish kerak. Xastalikdan soʻng asoratlar qolmasligi asosiy natija.
Shifokorning aytishicha, bemor bolalar muolajasi davomli parvarishni talab qiladi. Lekin baʼzi ota-onalar farzandi shifoxonadan chiqishi bilan uni bogʻchaga, maktabga joʻnatishadi. Aholi gavjum joylarga, mehmonga olib borishadi. Vaholanki, bunday paytda hali organizm toʻliq tiklanib, avvalgiday quvvatga qaytmagan boʻladi.
Oqibatda hali toʻliq quvvatga kirib ulgurmagan bola tashqi muhitda yangi virusga duch kelib, qaytadan kasallanib qolishi mumkin. Shunday ekan, oʻgʻil-qizlarning xastalikni yengil darajada oʻtkazishida ota-onalari, yaqinlari koʻmagi nihoyatda zarur. Bunday paytda yanada eʼtiborli boʻlish talab etiladi.
Rebenok s gradusnikom, illyustrativnoye foto - Sputnik Oʻzbekiston, 1920, 25.11.2021
Jamiyat
Farzandi OʻRVI bilan kasallangan ota-onalar eng koʻp qaysi xatoga yoʻl qoʻyishadi
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala